पोखरा । चलचित्र विकास बोर्डका नवनियुक्त अध्यक्ष भुवन केसीले चलचित्र क्षेत्रको संरक्षणका लागि आफूले काम गर्ने प्रतिबद्धता व्यक्त गरेका छन् । उनले आफू सीमित समयका लागि आएको उल्लेख गर्दै छोटो समयमै सही काम गर्ने वाचा गरे ।
क्याराभान नेपाल प्रालीले पोखरामा आयोजना गरेको ‘आफ्नो कथा आफ्नो सिनेमा’ कार्यक्रममा बोल्दै उनले भने, ‘चलचित्र विकास बोर्डको अध्यक्षमा भर्खरैमात्र नियुक्ति भएको छ । थुप्रै समस्या छन् । काम गर्न आएको हुँ । छोटो समय नै सही काम गरेर देखाउने छु ।’
नेपाली सिनेमा विश्वबजारीकरण गर्न प्राविधिक पक्ष बलियो बनाउनुपर्ने धारणा व्यक्त गर्दै उनले विकास बोर्डले दक्ष प्राविधिक उत्पादनमा महत्वपूर्ण भूमिका खेल्ने बताए । चार दशक आफूले सिनेमा क्षेत्रमा बिताएकाले चलचित्र निर्देशक, निर्माता, लेखक, कलाकार, प्राविधिकका समस्यालाई नजिकबाट नियालेको उनले उल्लेख गरे । ‘जीवनको लामो समय मैले चलचित्र क्षेत्रमा नै बिताएको छु । यसमा भएका विविध समस्यासँग म जानकार नै छु । हिजो प्रश्न गर्ने ठाउँमा म थिएँ, आज उत्तर दिने ठाउँमा छु । सबैलाई समेटेर चलचित्र क्षेत्रको सुधारमा लाग्ने प्रण गर्दछु’, बोर्ड अध्यक्ष केसीले भने ।
क्याराभान नेपालका निर्देशक एवं ‘आफ्नो कथा आफ्नो सिनेमा’ का परिकल्पनाकार विमल पौडेलले नेपाली चलचित्र र दर्शकबीचको दूरी बढ्दै गएकोमा चिन्ता व्यक्त गरे । हामीले आफ्नो कथालाई चलचित्रमा प्रस्तुत गर्न नसक्दा यस्तो समस्या आएको उनले बताए । ‘कार्यक्रम आफ्नो कथा आफ्नो सिनेमा एक अभियान हो । जुन अभियानमार्फत हामी समाजमा भएका कथा खोज्छौं । हरेक व्यक्तिका व्यथालाई प्रस्तुत गर्छौ,’ उनले भने । उनले सो अभियान गण्डकीका ११ वटै जिल्लामा गरिने बताए ।
चलचित्र निर्माता तथा निर्देशक शिवजी लामिछानेले चलचित्र विकास बोर्ड सेन्सरमा मात्रै सीमित नरही कथाको खोजी गर्ने र सिनेमाको संरक्षणमा लाग्नुपर्ने सुझाव दिए । कलाकार प्रकाश घिमिरेले नेपाली कथावस्तुअनुसार कलाकारले अभिनय गर्ने हुँदा मौलिकतामा विशेष ध्यान दिनुपर्ने बताए ।
चलचित्र पत्रकार संघ कास्की अध्यक्ष अरुण गिरीले किताबी विषय घोेकेको आधारमा मात्रै चलचित्रको कथावस्तु उत्कृष्ट बन्न नसक्ने बताए । यसका लागि समाजमा नै गएर बुझ्नुपर्ने बताए ।
गुरुङ फिल्म एसोसिएसन (जिफान) अध्यक्ष गुञ्जबहादुर गुरुङले पूर्वदेखि पश्चिमका कथालाई खोज्नुपर्ने धारणा राखे । जिफानका निवर्तमान अध्यक्ष भोजबहादुर गुरुङले भाषागत चलचित्र अब च्यारेटीमा मात्रै सीमित हुन नहुने भन्दै भाषागत चलचित्रलाई सेन्सरमा समस्या भएकोले यसको निवारणतर्फ बोर्डले ध्यान दिनुपर्ने बताए । मगर चलचित्र संघ कास्की अध्यक्ष राहुल थापाले मगर चलचित्रको व्यवस्थापन र संरक्षणमा सरकारी निकायले साथ दिनुपर्ने जनाए ।
Related News
सम्बन्धित समाचार
स्मृतिहरु नै बेचिन थालेपछि…
‘मनसरा’ बाट आशावादी मिरुना
पाइन खबर साँझमा हरिदेवीका गीत
अभिनेता एकै किसिमको भूमिकामा सीमित हुनु हुँदैन : अभिनेता आचार्य
पृथक निर्देशन र छायांकनको ‘रंगेली’
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१