पोखरा । सुजल डेरीको उत्पादन सफल दही विगत १८ वर्षदेखि पोखरा र आसपासको ठाउँमा लोकप्रिय छ । सफल दही गाई तथा भैंसीको दूधलाई उच्चकोटिको प्रविधिद्वारा प्रोसेसिङ गरी गुणस्तरीय ल्याक्टिक कल्चर प्रयोग गरिएको बाक्लो र मलायदार दही हो । खाँदा मिठो र स्वास्थ्यको लागि फाइदाजनक रहेको कारण परिवारको नियमित खानामा सफल दही प्रयोग गरिएको कम्पनीले जनाएको छ ।

सफल दही स्वास्थ्यका लागि अत्यावश्यक गुणहरूले भरिपूर्ण भएकाले हुर्किँदै गरेको बालबालिकादेखि युवा, वयस्क र वृद्धवृद्धालाई समेत गुणकारी भएको कम्पनीले उल्लेख गरेको छ । यसमा भएको क्याल्सियमले हड्डी बलियो बनाउँछ भने प्रोटिनले शारीरिक तन्दुरुस्ती ल्याउँछ । भिटामिनले रोग प्रतिरोधात्मक क्षमता बढाउँछ ।

सन्तुलित खाना सबैको आवश्यकता भए पनि आजको व्यस्त दैनिकीले घर(घरका गृहिणीहरुका लागि चुनौतीपूर्ण बनेको छ । यस्तो समयमा दैनिक खानासँगै सफल दही पनि मिसाउन सके सजिलै सबै परिवारको लागि पोषण युक्त र सन्तुलित आहार तयार गर्न सजिलो बनाउने हेतुले यो क्याम्पेन ल्याइएको कम्पनीले प्रष्ट पारेको छ ।

विभिन्न चाडबाडमा अत्यावश्यक परिकारमध्येको एक दही हाम्रो समाजको अभिन्न अंगको रूपमा रही आएको छ ।