पोखरा । नयाँ वर्ष–२०७९ शुभ अवसरमा एनसेल आजियाटा लि. ग्राहकका लागि आइतबारदेखि आकर्षक न्यु इयर कम्बो अफर र रिचार्ज योजना ल्याएको छ । जसमा ग्राहकले ७ दिन र २८ दिन समयसिमा रहेका विभिन्न प्याक सुचारु गर्न सक्छन् । प्याकअनुसार ग्राहकले अल नेट भ्वाइस, अल टाइम डेटा, अल नेट एसएमएस र नन् स्टप अन नेट भ्वाइस सेवा जस्ता आकर्षक सेवा बण्डलिङबाट फाइदा लिन सक्छन् । त्यस्तै रिचार्ज योजनामा प्रत्येक ग्राहकले ५० रुपैयाँ वा सोभन्दा बढीको हरेक रिचार्जमा बोनस स्वरुप फेसबुक, टिकटक, युट्युब प्रयोग गर्न सोसल मिडिया प्याक प्राप्त गर्ने कम्पनीले जनाएको छ ।
कम्बो प्याकअन्तर्गत ७ दिनको समयसिमा रहेको प्याक ग्राहकले करसहित ९६ रुपैयाँमा सुचारु गर्न सक्छन् । सो प्याकमा बन्डल गरिएको १ जिबि अल टाइम डेटा र कुनै पनि नेटवर्कमा कल गर्न सकिने १ सय मिनेट अल नेट टक टाइमबाट फाइदा लिन सक्ने जनाइएको छ ।
त्यस्तै, ग्राहकले १ सय ६८ रुपैयाँमा ५ जिबि अल टाइम डेटा र १ सय मिनेट अल नेट टक टाइम रहेको अर्को ७ दिने प्याक मात्र १ सय ६८ रुपैयाँमा सुचारु गर्न सक्छन् । ग्राहकका लागि २८ दिन समयसिमा रहेको प्याक पनि रहेको छ । जसअन्तर्गत ग्राहकले २ सय ९८ मा २.५ जिबि डेटासँगै २ सय ५० मिनेट अल नेट टक टाइमको फाइदा लिन सक्छन् । यो प्याक सुचारु गर्न इच्छुक ग्राहकले एष्ट्रिक्स १७१२३ एष्ट्रिक्स१ ह्यास डायल गरि यो प्याक सुचारु गर्न कम्पनीले जनायो ।
कम्बो प्याकअन्तर्गत विशेष प्रिपेड ग्राहकका लागि धेरै डेटा भोलुमसहित २८ दिन समयसिमा रहेको अन्य २ प्याक छन् । ७ सय ९८ रुपैयाँ एनसेलका प्रिपेड ग्राहकले हरेक दिन १ जिबि डेटासहित नन् स्टप अन नेट कल सुविधा, ५० मिनेट अफ नेट टक टाइम र १ सय अल नेट एसएमएसको फाइदा लिन सक्छन् । यसै २८ दिने प्याकमा रहेको अर्को योजनामा ग्राहकले मात्र ९ सय ९८ मा हरेक दिन २ जिबि डेटा २८ दिनसम्म, एनसेल नेटवर्क भित्र नन् स्टप कल सुविधा, १०० मिनेट अफ नेट टक टाइम र २ सय वटा अल नेट एसएमएस पाउँछन्।
रिचार्ज योजनामा ५० वा सोभन्दा बढीको हरेक रिचार्जमा सोसल मिडिया डेटा प्याक प्राप्त गर्दछन् । ५० देखि ९९ रिचार्ज गर्ने ग्राहकले १ दिनको समयसिमा रहेको ५० एमबी सोसल प्याक प्राप्त गर्ने जनाइएको छ भने १ सयदेखि १ सय ९९ को रिचार्जमा ३ दिनको समयसिमा रहेको २ सय एमबी सोसल प्याक र २ सय वा सोभन्दा बढीको रिचार्जमा ७ दिनको समयसिमा रहेको ५ सय एमबी सोसल प्याक पाउने छन् । यसरी बोनसमा पाइने सोसल प्याकको डेटा ग्राहकले फेसबुक, टिकटक र युट्युब चलाउन प्रयोग गर्न सक्छन् । रिचार्ज योजना १५ दिनको लागि मान्य रहने एनसेलले जनाएको छ ।
Related News
सम्बन्धित समाचार
पोखरामा ‘विज्ञान, प्रविधि र नवप्रवर्तनका क्षेत्रमा देखापरेका प्रवृत्तिहरू’ सम्मेलन
साइबर अपराधविरुद्ध सचेतना
टिकटक बन्द गरे/नगरेकाबारे जवाफ दिन निर्देशन
साइबर सुरक्षासम्बन्धी कार्यशाला
प्रतिबन्ध कार्यान्वयनमा सघाउन आग्रह गर्दै टिकटकलाई प्राधिकरणको जवाफी पत्र
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१