लमजुङ । नेपाल पत्रकार महासंघको आयोजनामा बेंसीसहरमा आधारभूत पत्रकारिता तालिम सुरु गरिएको छ । ३ दिनसम्म सञ्चालन हुने तालिमको बेंसीसहर नगरपालिकाका मेयर गुमानसिंह अर्यालले बिहीबार उद्घाटन गरे ।
मेयर अर्यालले पत्रकारिताको भाषा र समाचारको पुष्ट्याइँ नभएका कारण बेलाबेलामा खड्किने गरेको अनुभव सुनाएका थिए । सामाजिक मर्यादा बढाउने र सकारात्मक सुझावसहितको पत्रकारिता आफूले पाउन नसकेको उनले बताए । पत्रकारिता क्षेत्रमा देखिएका विकृति हटाउन सच्चा पत्रकारहरू लाग्नु पर्नेमा उनले जोड दिए ।
एमसिसीमा २ अतिशक्ति राष्ट्रले चासो राख्दै खेल्ने मौका पाएका कारणले त्यसको कार्यान्वयनमा देश जोखिममा पर्ने हो र प्रत्युत्पादक हुन्छ कि भन्ने उनले आशंका व्यक्त गरे ।
राष्ट्रिय भूमि आयोगका जिल्ला अध्यक्ष दामोदर अधिकारीले पत्रकारले राज्यका तीन अंगका कामको समीक्षा गर्ने र आफ्नो आचारणभन्दा बाहिर जान नहुने बताए । उनले सुशासन र अमनचयन ध्यान दिन, निष्पक्ष भएर निडरताका साथ कलम चलाउन पत्रकार चुक्न नहुने उनले उल्लेख गरे ।
प्रमुख जिल्ला अधिकारी सुशील वैद्यले समाजमा पेशागत मर्यादा उल्लंघनको क्रम बढेको छ, पत्रकारहरू यसतर्फ बढी होसियार हुनुपर्छ भने । आचारसंहिता पालनामा पत्रकारहरू थप प्रतिवद्ध हुनुपर्छ भने ।
नेपाल पत्रकार महासंघका जिल्ला अध्यक्ष परमेश्वर अधिकारीको अध्यक्षतामा भएको उदघाटन कार्यक्रममा महासंघको जिल्लाका संस्थापक अध्यक्ष एवं तालिम संयोजक नवराज पहाडीले स्वागत गर्दै उद्देश्यमा प्रकाश पारेका थिए । महासंघका निवर्तमान जिल्ला अध्यक्ष आश गुरुङले शुभकामना व्यक्त गरेको उदघाटन सत्रको कार्यक्रमको सञ्चालन जिल्ला सचिव रुद्रहरि ढकालले गरेका थिए ।
तालिममा १० पुरुषसहित ४२ जनाले भाग लिएका छन् । तालिमको पहिलो दिन नवराज पहाडी, किसान संगीत नेपाली, नवीन कुइँकेल र सन्देश पौडेलले प्रशिक्षण दिए । शुक्रबार नेपाल पत्रकार महासंघका पूर्व केन्द्रीय अध्यक्ष धर्मेन्द्र झा तथा प्रनाउ कृष्णबहादुर कार्कीले प्रशिक्षण दिने छन् ।
Related News
सम्बन्धित समाचार
अधिकारी सरकारविरुद्धको मुद्दा हेर्दाहेर्दैमा
कामचलाउ सरकारद्वारा दोस्रो आवधिक योजनाको परिमार्जित आधारपत्र सार्वजनिक
अधिकारी सरकारविरुद्धको रिट न्यायाधीश रेग्मी र पोखरेलको इजलासमा
आदर्श समाजकर्मी विजय नेपाललाई चलचित्र पत्रकारिता पुरस्कार’, फिल्मकर्मी विनोद शेरचनलाई सम्मान
फेवाको मापदण्ड घटाउन सर्वोच्चमा रिट
hero news full width
मुख्य समाचार
कान्तिपुर मिडिया ग्रुपका अध्यक्ष कैलाश सिरोहिया कार्यकक्षबाटै पक्राउ
कालिका बहुमुखी क्याम्पसलाई क्युएए प्रमाणपत्र
जेठ ८, २०८१अधिकारी सरकारको वैधानिकताको टुंगो आज
जेठ ८, २०८१पोखरा विश्वविद्यालय शिक्षण अस्पताल उद्घाटन
जेठ ७, २०८१दमौली आगलागी अपडेट : क्षतिको विवरण संकलन गरिँदै
जेठ ७, २०८१प्रधानमन्त्री प्रचण्डलाई चाैथोपटक विश्वासको मत
जेठ ७, २०८१