बिरेठाँटीले स्वर्ण जयन्ती मनाउँदै

आदर्श समाज सम्वाददाता
जेठ ८, २०८१
Birethanti

पोखरा । अन्नपूर्ण गाउँपालिका ८, बिरेठाँटीस्थित माध्यमिक विद्यालयले आगामी वर्ष २०८२ स्थापनाको ५० औं वर्ष (स्वर्ण जयन्ती) मनाउने भएको छ ।

मंगलबार विरेठाँटी मावि स्वर्ण जयन्ती सम्बन्धमा पूर्व तयारीका लागि भेला बस्यो । भेलाले विभिन्न समिति उपसमिति गठन गरेको छ । सो अवसरमा मंगलबार विद्यालका संस्थापक, जग्गादाता, चन्दादाता, सल्लाहकार, वर्तमान तथा भूपू विव्यस, शिअ संघ लगायत विद्यालयका पूर्व शिक्षक कर्मचारी, पूर्व विद्यार्थी र अभिभावकहरु तथा आमा समूह, वन उपभोक्ता समिति, खानेपानी तथा सरसफाइ समितिका प्रतिनिधि लगायत सरोकारवालाको उपस्थिति थियो ।

भेलाले कृष्ण गौचनको संयोजकत्वमा २ सय ५१ सदस्यीय मूल आयोजक समिति गठन गरेको हो । विष्णुमाया गुरुङको संयोजकत्वमा आर्थिक समिति, इ. सुमन शर्माको संयोजकत्वमा भूपू विद्यार्थी मञ्च, धर्मदत्त पौडेलको संयोजकत्वमा भूपू शिक्षक मञ्च, टेकबहादुर गुरुङको संयोजकत्वमा प्रचार प्रसार समिति, लिलबहादुर कुँवरको संयोजकत्वमा शैक्षिक क्रियाकलाप समिति, मायादेवी शर्माको संयोजकत्वमा स्वागत सत्कार समिति, अतीत गुरुङको संयोजकत्वमा खेलकुद समिति, भीमलाल सुवेदीको संयोजकत्वमा अभिलेख तथा स्मारिका व्यवस्थापन समिति, राजेन्द्र शेरचनको संयोजकत्वमा मञ्च व्यवस्थापन समिति साथै मीना गुरुङको संयोजकत्वमा सांस्कृतिक समिति चयन गरेको हो ।

नेपाल लोकतान्त्रिक खेलकुद संघ अध्यक्ष देवेन्द्र शेरचनले स्वर्ण जयन्ती सबैको गर्वको विषय भएको र सबैले योगदान गरेर भव्य रुपमा सम्पन्न गर्नुपर्ने बताए ।

वडाध्यक्ष विजय गुरुङले विद्यालयको स्थापनादेखि हालसम्म र स्वर्ण जयन्तीका अवसरमा पनि योगदान दिने सम्पूर्णलाई विद्यालयले अभिलेखका रुपमा व्यवस्थित गर्दै सम्मान गर्ने उपयुक्त अवसर स्वर्ण महोत्सव हुने बताए । भूपू विद्यार्थी इ.सुमन शर्माले आफू आजको स्थानमा पुग्नुमा विद्यालयका मुख्य आधार रहेको र आगामी दिनमा सञ्चालनमा रहेको प्राविधिकधार कम्प्युटर इञ्जिनियरिङलाई अझ बिस्तार गर्नुपर्नेमा जोड दिए ।

विद्यालय अध्यक्ष डिल्लीराज जैसीको अध्यक्षतामा भएको कार्यक्रमको सञ्चालन शिक्षक भविकला कुँवरले गरेकी हुन् । कार्यक्रममा स्वागत गर्दै प्रअ हिमलाल न्यौपानेले कार्यक्रममािथ प्रकाश पारेका थिए ।

Related News

सम्बन्धित समाचार

  • पश्चिमाञ्चलमा ‘फुड फेस्टिभल’

    आदर्श समाज सम्वाददाता असार २, २०८१
    पोखरा । वर्षभरिको सैद्धान्तिक र प्रयोगात्मक ज्ञान बाहिर ल्याउने गरी पश्चिमाञ्चल माविले शनिबार फुड फेस्टिभल आयोजना गरेको छ । कक्षा…
  • पोखरा इन्जिनियरिङ कलेजमा यन्त्र फेस्टिभल

    आदर्श समाज सम्वाददाता असार २, २०८१
    पोखरा । पोखरा इन्जिनियरिङ कलेज स्ववियु आयोजनामा यन्त्र इन्जिनियरिङ तथा आर्किटेक्चर फेस्टिबल सुरु भयो । २ दिनसम्म चल्ने यन्त्र फेस्टिभलमा…
  • अक्सफोर्डमा हाजिरीजवाफ सम्पन्न

    आदर्श समाज सम्वाददाता असार १, २०८१
    पोखरा । पोखरा १३, बाँझापाटनस्थित अक्सफोर्ड स्कुलमा सदनात्मक हाजिरीजवाफ प्रतियोगिता सम्पन्न भएको छ । प्रतियोगितामा हरियो सदनबाट गौरव आचार्य, मोहम्मद…
  • पोखरा आदर्श सेकेन्डरीमा अंग्रेजी हस्तलेखन

    आदर्श समाज सम्वाददाता जेठ ३१, २०८१
    पोखरा । पोखरा आदर्श सेकेन्डरी स्कुल, बगरमा अतिरिक्त कार्यकलापअन्तर्गत अंगे्रजी हस्तलेखन प्रतियोगिता भएको छ । कक्षा नर्सरीदेखि ९ सम्म भएको…
  • पानद्वारा विन्ध्यवासिनी मावि सम्मानित

    आदर्श समाज सम्वाददाता जेठ ३१, २०८१
    पोखरा । प्रिन्सिपल एसोसिएसन अफ नेपालले सातै प्रदेशबाट छनोट विद्यालय तथा प्रधानाध्यापकलाई सम्मानसहित पुरस्कृत गरेको छ । सामुदायिक विद्यालयमा कार्यरत…

hero news full width