विरहीलाई कृति स्मृति पत्रकारिता वृत्ति र सिग्देललाई आर्थिक पत्रकारिता पुरस्कार

आदर्श समाज सम्वाददाता
जेठ ८, २०८१
prizee

पोखरा । नेपाल पत्रकार महासंघ कास्कीले पत्रकारद्वय हरिहर विरही र श्रीराम सिग्देललाई पुरस्कृत गर्ने भएको छ । महासंघका पूर्व केन्द्रीय अध्यक्ष विरही ‘कृति स्मृति पत्रकारिता वृत्ति सम्मान–२०८०’ र महासंघ कास्की सहसचिव श्रीराम सिग्देल ‘आर्थिक पत्रकारिता पुरस्कार–२०८०’ बाट पुरस्कृत हुन लागेका हुन् ।

पुरस्कार छनोट समितिले उनीहरुको नाम सिफारिस गरेकोमा महासंघ कास्कीको कार्यसमिति बैठकले अनुमोदन गरेको अध्यक्ष विमला भण्डारीले बताइन् ।

पूर्व सांसद समेत रहेका पोखराका वरिष्ठ उद्योगपति एवं समाजसेवी सूर्यबहादुर केसी परिवारबाट कृति स्मृति पत्रकारिता वृत्तिका लागि अक्षयकोष स्थापना गरिएमा महासंघ कास्कीले पुरस्कार सञ्चालन गर्दै आएको छ । पुरस्कार राशि १ लाख ११ हजार १ सय ११ रुपैयाँ र सम्मानपत्र छ । सो पुरस्कारका लागि माधव शर्माको संयोजकत्वमा प्रतिभा छनोट समिति गठन गरिएको थियो । सदस्यमा कृष्णप्रसाद बास्तोला र रवीन्द्र बास्ताेला थिए ।

महासंघले स्थापना गरेको आर्थिक पत्रकारिता पुरस्कारको राशि २० हजार र सम्मानपत्र छ । प्रतिभा छनोटका लागि नवराज सुवेदी संयोजककत्वमा समिति गठन गरिएको थियो । सदस्यमा टंक अधिकारी र दीपेन्द्र श्रेष्ठ थिए ।

२०५४ सालदेखि आदर्श समाजबाट पत्रकारिता सुरु गरेका सिग्देल पोखराका पुराना पत्रकार हुन् । उनी हाल फेवा पोष्ट साप्ताहिक र फेवापोष्ट खबर डटकमका सहसम्पादक छन् । चलचित्र पत्रकार संघ नेपाल कास्कीका संस्थापक सिग्देल समाजवादी प्रेस संगठन नेपालका केन्द्रीय उपाध्यक्ष समेत हुन् ।

महासंघ कास्कीको यही १२ जेठमा प्रथम राष्ट्रपति डा. रामवरण यादवको प्रमुख आतिथ्यमा हुने १७ औं वार्षिक साधारण सभा अवसरमा पुरस्कृत गरिने महासंघका शाखा सचिव माधव बरालले जानकारी दिए ।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • पोखरा १२ का बासिन्दालाई मणिपाल हस्पिटलमा छुट

    आदर्श समाज सम्वाददाता असार ३, २०८१
    पोखरा । पोखरा महानगरपालिका १२ का बासिन्दाले पोखराको मणिपाल हस्पिटलमा उपचार गर्दा छुट पाउने भएका छन । वडा कार्यालय र…
  • गण्डकीको बजेट ३३ अर्ब

    प्रकाश ढकाल असार ३, २०८१
    पोखरा । गण्डकी सरकारले आगामी आर्थिक वर्ष २०८१/८२ का लागि करिब ३३ अर्बको बजेट सार्वजनिक गरेको छ । अर्थमन्त्री डा.…

hero news full width