पोखरा । टिम विन्ध्यवासिनी र वाराहीले यु–१९ वाइवाई कप कास्की जिल्ला पुरुष क्रिकेट छनौट प्रतियोगिता २०८१ मा विजय सुरुआत गरेका छन् । कास्की जिल्ला क्रिकेट संघको आयोजना तथा पोखरा महानगरपालिकाको सहयोगमा मंगलबारदेखि पोखरा रंगशालास्थित क्रिकेट मैदानमा सुरु प्रतियोगिताको उद्घाटन खेलमा विन्ध्यवासिनीले टिम भद्रकालीलाई ९ विकेट र दोस्रो खेलमा वाराहीले टिम अकलालाई ७ विकेटले पराजित गरेको हो ।
२५ ओभरमा खेलाइएको प्रतियोगिताको उद्घाटन खेलमा टस जितेर ब्याटिङ रोजेको भद्रकालीले २५ ओभर खेल्दै ९ विकेट गुमाएर १ सय १५ रन बनाएको थियो । १ सय १६ रनको लक्ष्य पछ्याउँदै मैदान उत्रेको विन्ध्यवासिनीले १५.४ ओभर खेल्दै एक विकेट गुमाएर १ सय १६ रन बनाएर लक्ष्य पूरा गरेको थियो ।
विन्ध्यवासिनीको जितमा सिब्रिन श्रेष्ठ नट आउट रहँदै अर्धशतक पूरा गर्ने क्रममा ५१ बलमा ९ चौका र ५ छक्कासहित टोलीका लागि ७६ रनको योगदान गरेका थिए । उनी खेलका म्यान आफदी म्याचसमेत घोषित भएका थिए । टोलीका लागि सुरज श्रेष्ठले १७ र सफल श्रेष्ठले नट आउट रहँदै १ रन जोडेका थिए ।
भद्रकालीका लागि सलभ सुवेदी नट आउट रहँदै ५० बलमा २ चौका प्रहार गर्दै टोलीका लागि सर्वाधिक २९ रन जोडेका थिए । टोलीका लागि सुमन पन्तले २५, अर्जुन कुमालले २२ रन जोड्दा अन्य खेलाडीले दोहोरो अंक छुन सकेनन् ।
दोस्रो खेलमा खेलमा टस हारेर ब्याटिङको निम्तो पाएको अकला १४.६ ओभर खेल्दै सबै विकेट गुमाएर जम्मा ५५ रनमा समेटिएको थियो । ५६ रनको लक्ष्य पछ्याउदै मैदान उत्रेको वाराही ८.४ ओभर खेल्दै ३ विकेट गुमाएर ६१ रन बनाउँदै लक्ष्य पूरा गरेको थियो । वाराहीको जितमा ओपनर रोहितचन्द्र नट आउट रहँदै २३ बलमा ४ चौकासहित २६, खेलका म्यान आफ दी म्याच आदित्य थापाले १४ रन जोड्दा टोलीका अन्य खेलाडीले दोहोरो अंक जोड्न सकेनन् । उता अकलाका लागि कुनै पनि खेलाडीले दोहोरो अंक जोड्न असफल रहँदा अनिश पटेलले टोलीका लागि सर्वाधिक ७ रन जोडेका थिए ।
४ टोली सहभागी रहेको प्रतियोगिताको उद्घाटन पोखरा महानगरपालिकाका प्रमुख धनराज आर्चायले अम्पाएरद्वय भोजराज बराल र दिलीप अग्रहरीलाई बल हस्तान्तरण गर्दै गरेका थिए ।
आयोजक संघ कास्कीका अध्यक्ष सञ्जयकान्त सिग्देलले प्रतियोगिताका लागि पहिलो चरणमा सहभागि ८४ जना खेलाडीबाट ४८ जना छनोट गरी ४ टिम बनाइएको जानकारी दिए । जिल्लाको प्रतियोगितापछि गण्डकी प्रदेश प्रतियोगिता हुने भएकाले जारी प्रतियोगिताबाट १४ जना खेलाडी छनोट गरिने जानकारी दिए । ११ गतेसम्म जारी रहने प्रतियोगितामा बिहीबार र शुक्रबार २/२ खेल हुने उनले जानकारी दिए ।
Related News
सम्बन्धित समाचार
प्रतिभा माविमा क्रिकेटको ‘प्राक्टिस नेट’
भारतले जित्यो टी–ट्वान्टी विश्वकप
स्याङ्जालाई क्रिकेट उपाधि
गण्डकी प्रदेश पुरुष टि–२० क्रिकेटको उपाधि स्याङजाले जित्यो
क्रिकेटमा कास्की र स्याङ्जा उपाधिका लागि भिड्ने
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१