राष्ट्रिय जलवायु परिवर्तन सर्वेक्षण प्रतिवेदन सार्वजनिक

आदर्श समाज सम्वाददाता
जेठ ८, २०८१
Jalabayu Data Photo

पोखरा । राष्ट्रिय तथ्यांक कार्यालयबाट सञ्चालन भएको राष्ट्रिय जलवायु परिवर्तन सर्वेक्षण प्रतिवेदन मंगलबार पोखरामा सार्वजनिक गरिएको छ ।

राष्ट्रिय तथ्यांक कार्यालयका निर्देशक प्रमोदराज रेग्मीले सर्वेक्षण प्रतिवेदन सार्वजनिक गरेका हुन् । २०७९ माघदेखि २०८० असारसम्म सर्वेक्षण गरी अन्तिम रुप दिएर अहिले सार्वजनिक गरिएको उनले जानकारी दिए । २०१६ मा पहिलो पटक गरिएको सर्वेक्षण यो दोस्रो संस्करण रहेको उनले जानकारी दिए । परिवारमा जलवायु परिवर्तनको ज्ञानका बारेमा जानकारी लिनु नै यसको मुख्य उद्देश्य रहेको उनको भनाइ थियो ।

२०७९ माघदेखि २०८० असारसम्म सर्वेक्षण गरी अन्तिम रुप दिएर अहिले सार्वजनिक गरिएको

‘यो दोस्रो पारिपारिक सर्वेक्षण हो । कार्यालयबाट भएको सर्वेक्षणले मुलतः परिवारमा जलवायु परिवर्तनको ज्ञान कस्तो छ । उहाँहरूले यसलाई कसरी हेरिरहनु भएको छ,’ उनले भने, ‘जलवायु परिवर्तनले कस्तो असर गरिरहेको छ । जीवनस्तर र दैनिकीमा कस्तो प्रभाव परिरहेको भन्ने बारेमा सूचना संकलन मुख्य उद्देश्य रहेको थियो ।’ यसले जलवायुजन्य प्रकोपको असर र यसबाट जोगिनका लागि गरिएको उपाय संकलन गरिएको उनले सुनाए ।

तथ्यांकका आधारमा तीनै तहको सरकार र सरोकारवाला निकायहरूलाई जलवायु परिर्वतनबारे ज्ञान लिने र त्यहीअनुसार कार्यक्रम बनाउन उपयोगी हुने उनले बताए । ‘सन् २०१६ मा हामीले अनुभवमात्र सोधेका थियौं । अहिले विगतका ५ वर्षमा जलवायु परिवर्तनका कारण कति क्षति भनेर सोधेका छौं,’ उनले भने, ‘हामीले क्षतिको विवरण नै पाएका छौं । क्षतिको विवरणबारेमा विश्वका क्लाइमेट चेन्जको फोरममा नेपालले अब नेपालले आफ्नो दाबी पेस गर्न सजिलो हुने देखिन्छ ।’

Related News

सम्बन्धित समाचार

  • यता हेर्‍यो सिक्लेस, उता हेर्‍यो ताङतिङ   

    रामबहादुर थापा जेठ २९, २०८१
    गण्डकी ।  हिउँचुलीको काखमा झुरुप्प परेका बस्ती । वरिपरि हरिया वनपाखा र खर्क । सिरसिरे लेकाली हावा । उस्तै चराको…
  • ग्रामीण जनजीवनलाई जीवित राखेका बागलुङको दिजगाउँ   

    आदर्श समाज सम्वाददाता जेठ २९, २०८१
    ढोरपाटन । नेपालको एकमात्र सिकार आरक्ष ढोरपाटन क्षेत्रमा पर्ने दिजगाउँले ग्रामीण जनजीवनलाई जीवित राखेको छ । ढोरपाटन नगरपालिका–९ मा पर्ने…
  • चितवनमा रगत पाउनै मुस्किल   

    आदर्श समाज सम्वाददाता जेठ २८, २०८१
    चितवन ।  भरतपुरस्थित क्षेत्रीय रक्तसञ्चार केन्द्रले यही जेठ १५ मनाङमा पुगेर रक्त सङ्कलन कार्यक्रम आयोजना ग¥यो । स्थानीय श्वेता रक्तदाता…
  • वातावरण दिवसमा फेवाताल सरसफाइ

    आदर्श समाज सम्वाददाता जेठ २३, २०८१
    पोखरा । ताल तथा जलाधारको क्षेत्रमा काम गर्ने सरकारी कार्यालयहरूले पोखराको फेवाताल खपौदी क्षेत्रमा सरसफाइ गरी विश्व वातावरण दिवस मनाएका…
  • सवारी दुर्घटना व्यवस्थापन अभ्यास

    आदर्श समाज सम्वाददाता जेठ २३, २०८१
    तनहुँ । गण्डकी प्रदेशका मुख्यमन्त्री सुरेन्द्रराज पाण्डेले सडक दुर्घटना कम गर्न सबै क्षेत्रबाट सकारात्मक पहलकदमी हुनुपर्नेमा जोड दिएका छन् ।…

hero news full width