तनहुँका अर्जुन संसारका १० उत्कृष्ट सेफ

आदर्श समाज सम्वाददाता
असार ६, २०८१
arjun

पोखरा । नेपाली सेफ अर्जुनबहादुर थापा अमेरिकी रियालिटी सो ‘फेबरेट सेफ’ (मनपर्ने सेफ) मा उत्कृष्ट १० भित्र पर्न सफल भएका छन् । उत्कृष्ट व्यञ्जन तथा परिकारका सिर्जना प्रस्तुत गर्नेसम्बन्धी अमेरिकी प्रतिस्पर्धा फेबरेट सेफको प्रतिस्पर्धामा रहेका उनी उपाधि जित्ने बन्ने दौडमा छन् ।

विश्वभरका ८९ मा सेफमध्येबाट प्रतिस्पर्धा गर्दै आएका उनी नेपाली खाना पस्कँदै प्रतिस्पर्धामा उत्रिएका हुन् । विजेतालाई २५ हजार डलरका साथ ‘टेस्ट अफ दि होम’ म्यागेजिनको कभर स्टोरीमा समेटिने छ । यसबाहेक चर्चित अमेरिकी सेफ कार्ला हलका साथ विशेष खानाका परिकार पकाउने अवसर दिइने जनाइएको छ ।

नेपालको पाँचतारे सोल्टी हुँदै स्वीट्जरल्यान्डको प्रख्यात तारेहोटलमा काम गर्न थापा हाल बेलायत बस्छन् । ‘फेबरेट सेफ’ विश्वभरका पाककला सिर्जना गर्ने सेफ तथा भान्सेहरूको लोकप्रिय एक अनलाइन प्रतियोगिता हो ।

अमेरिकी रियालिटी सो ‘फेबरेट सेफ’ को उत्कृष्ट १० परेका उनी उपाधि जित्ने दौडमा छन् ।

प्रतियोगिताले पाककला सिक्दै गरेका तथा यसैमा लामो समय बिताएका सेफबीच खानपान जीवनशैलीबारे रचनात्मक प्रदर्शन गर्ने अवसर दिन्छ । झण्डै सय जनामध्येबाट १० उत्कृष्टमा छनोट भएका उनी खानाका पारखीको भोटले नै आफ्नो भविष्य निर्धारण गर्ने बताउँछन् । ‘नेपालीको माया, साथ र भरोसाले अहिलेको अवस्थामा आइपुगेको छु, प्रतिस्पर्धामा उत्कृष्ट ५ मा पुग्नका लागि मलाई अझै धेरै भोट र हौसला जरुरी छ,’ थापाले भने ।

बेलायत तथा स्वीट्जरल्यान्डमा गरी १७ वर्ष विदेशमा एसियाली खान्कीमा जोड दिएका थापाले सन् २०१० मा प्रतिष्ठित ब्रिटिस करी अवार्ड पनि जितेका छन् । ४ दशकदेखि सेफमा कार्यरत थापाले नेपाली परम्परागत खानाको देश विदेशका प्रवद्र्धन र प्रचार गरी यसको विकासमा योगदान पु¥याएका छन् । नेपाल सेफ एसोसिएसनका संस्थापक सदस्य उनी हाल इन्टरनेसनल नेप्लिज सेफ सोसाइटी युकेका अध्यक्षसमेत हुन् ।

Related News

सम्बन्धित समाचार

hero news full width