पोखरा । कास्की जिल्ला अदालतमा मंगलबार राति ताल्चा फुटाएर तोडफोड गरिएको छ । अदालतका ३ वटा कोठाको ताल्चा अदालतको च्याम्बर, इजलास र बेन्चसमेत फुटाइएको हो ।
मंगलबार दिउँसो राम्रैसँग बन्द गरेर गएको अफिस बुधबार बिहान तोडफोड भएको अवस्थामा देखेको जिल्ला अदालतका सूचना अधिकारी नीलप्रसाद पनेरुले जानकारी दिए । ‘अदालतको १ र ६ नम्बर इजलास र बेन्चमा चैत ८ गते राति फुटालिएको अवस्थामा देखिएको छ,’ उनले भने । तोडफोड गर्न प्रयोग गरिएको रड सोही स्थानमा छाडेर गएको उनले बताए । अदालतका ३ कोठाको ताल्चा फुटाएर त्यसभित्रका दराज पनि फुटाएको उनको भनाइ छ । ‘३ वटा कोठामा ४ दराज थिए । दराजको चाबी भेटेकोहरु चाबीले नभेटेको दराजको चाबी फोरेको छ,’ उनले भने, ‘एउटा दराज फुटाल्ने प्रयास गर्दा नसकेर छोडेको देखिन्छ, घर्रामा हात हालेर त्यहाँको सामान छरपस्ट बनाएको देखिएको छ ।’
बिहान तोडफोड भएको थाहा भएपछि प्रहरीलाई खबर गरी अहिले अनुसन्धान जारी रहेको उनले बताए । बिहान इजलास र च्याम्बरको अवस्था त्यस्तो देखेपछि तुरन्त प्रहरीलाई खबर गरी प्रहरीले अनुसन्धान गरिरहेको सूचना अधिकारी पनेरुले बताए । कोठाभित्रका कम्प्युटरलगायत सामान नलगेकाले मिसिल चोरी गर्ने आशंकाले तोडफोड गरेको हुन सक्ने उनको भनाइ थियो । ‘त्यहाँ भएका कम्प्युटर लगायतका सामानहरु त्यही नै छ,’ उनले भने, ‘मिसिलमा भएको कुनै कागजपत्र हराएको छ–छैन भनी हेर्नुपर्छ । त्यसका लागि हामी पाना–पाना चेक गर्छौं ।’
जिल्ला प्रहरी कार्यालय कास्कीका प्रवक्ता सुन्दर तिवारीले अनुसन्धान जारी रहेकाले ‘चोरी’ वा ‘तोडफोड’ भन्न सक्ने अवस्था नरहेको जानकारी दिए । १ नम्बर इजलासमा प्रमुख न्यायाधीश श्रीकृष्ण भट्टराई र ६ नम्बर इजलासमा देवप्रकाश योगीले मुद्दा हेर्दै आएका थिए । बुधबार बिहान सरसफाइ गर्न आएकी कर्मचारीले इजलास कक्षका ढोका फुटेको देखेपछि अन्य कर्मचारीलाई खबर गरेका थिए । प्रहरीले इजलासको ढोका फुटाउन प्रयोग गरिएको फलामको रडसमेत बरामद गरेको छ ।
Related News
सम्बन्धित समाचार
अधिकारी सरकारविरुद्धको मुद्दा हेर्दाहेर्दैमा
कामचलाउ सरकारद्वारा दोस्रो आवधिक योजनाको परिमार्जित आधारपत्र सार्वजनिक
अधिकारी सरकारविरुद्धको रिट न्यायाधीश रेग्मी र पोखरेलको इजलासमा
आदर्श समाजकर्मी विजय नेपाललाई चलचित्र पत्रकारिता पुरस्कार’, फिल्मकर्मी विनोद शेरचनलाई सम्मान
फेवाको मापदण्ड घटाउन सर्वोच्चमा रिट
hero news full width
मुख्य समाचार
कान्तिपुर मिडिया ग्रुपका अध्यक्ष कैलाश सिरोहिया कार्यकक्षबाटै पक्राउ
कालिका बहुमुखी क्याम्पसलाई क्युएए प्रमाणपत्र
जेठ ८, २०८१अधिकारी सरकारको वैधानिकताको टुंगो आज
जेठ ८, २०८१पोखरा विश्वविद्यालय शिक्षण अस्पताल उद्घाटन
जेठ ७, २०८१दमौली आगलागी अपडेट : क्षतिको विवरण संकलन गरिँदै
जेठ ७, २०८१प्रधानमन्त्री प्रचण्डलाई चाैथोपटक विश्वासको मत
जेठ ७, २०८१