Worldlink ads

नव सिद्धार्थ सहकारीमा भवानी माकाजु

आदर्श समाज सम्वाददाता
पौष २९, २०७८
naba sahakari progrem photo

हेमजा।पोखरा महानगरपालिका–८, वगालेटोल स्थित नव सिद्धार्थ महिला बचत तथा ऋण सहकारी संस्था लि.को बुधवार सम्पन्न विशेष साधारणसभाले भवानी माकाजुको अध्यक्षतामा समिति चयन गरेको छ ।

त्यस्तै उक्त सभाले रिक्त अन्य सञ्चालकको पनि निर्वाचन गरेको छ ।जसको उपाध्यक्षमा इन्दिरा मर्सानी श्रेष्ठ (निर्वाचित) तथा सदस्यमा कमला भट्टराई कोइराला र विष्णुमाया पौडेल सर्वसम्मत छनोट भए।

शान्ता श्रेष्ठ संयोजक तथा सावित्रा कोइराला र खेमराज अधिकारी सदस्य रहेको निर्वाचन उप समितिले सहकारीमा रिक्त समितिको चयन गरेको हो।
सभाको उद्घाटन गर्दै जिल्ला सहकारी संघका अध्यक्ष सावित्रा कोइरालाले सहकारी निति, विधि र प्रविधिमा टेकेर संचालन भएकोमा खुशी व्यक्त गरिन् ।कानुनी सल्लाहकार अधिवक्ता दुर्गाप्रसाद कोइरालाले सहकारीमा सहकार्यको भावना हुनुपर्ने औँल्याए।

संस्थाका सचिव कुश्मा राणाको अध्यक्षतामा सम्पन्न कार्यक्रममा कोषाध्यक्ष लक्ष्मी अधिकारीले स्वागत तथा सहसचिव डाल्डादेवी भुजेलले संचालन गरिन्।

Related News

सम्बन्धित समाचार

    hero news full width