तेक्वान्दो संघ गण्डकीमा जगन

आदर्श समाज सम्वाददाता
पौष २६, २०७८
taekwondo gandaki

पोखरा । गण्डकी प्रदेश तेक्वान्दो संघमा जगनबहादुर गुरुङको अध्यक्षतामा नयाँ कार्यसमिति चयन भएको छ । संघको आइतबार पोखरामा सम्पन्न साधारणसभा तथा अधिवेशनले गुरुङको अध्यक्षतामा २७ सदस्यीय नयाँ कार्यसमिति सर्वसम्मत् चयन गरेको हो ।
संघ उपाध्यक्षमा विष्णुहरि गौतम र कमल पराजुली, महासचिव रमेश पौडेल, सचिव गंगाबहादुर गुरुङ, कोषाध्यक्ष माइकल कर्माचार्य छन् । सदस्यमा कुलबहादुर तामाङ दोर्जे, विकल्प बोगटी, राजु थापा, योगराज अधिकारी, लक्ष्मी पाण्डे, अधिवक्ता शिवराज वाग्ले, नरेश भट्टराई र सर्फुदिन मियाँ चयन भए । बाँकी मनोनीत हुने निर्वाचन समिति संयोजक अधिवक्ता जगन्नाथ ढकालले जानकारी दिए । अधिवक्ता ढकालको संयोजकत्वको निर्वाचन समिति सदस्यमा बलराम लामा, विजय नेपाल, डिलमाया भुजेल र रीता शर्मा सदस्य थिए । ४ वर्षे कार्यकालका लागि पुनः अध्यक्षमा निर्वाचित जगनबहादुर गुरुङले प्रदेशमा हालसम्म ६ जिल्लामा संघ गठन बिस्तार भएको बताउँदै बाँकी जिल्लामा पनि बिस्तार गर्दै जाने बताए । गण्डकीमा डोजाङ संख्या हाल ४६ रहेकोमा आफ्नो कार्यकालमा ७० वटा पु¥याउने प्रतिबद्धता व्यक्त गरे । साथै उनले पोखरामा आगामी सन् २०२४ मा तेक्वान्दो च्याम्पियनसीप गर्ने लक्ष्य लिएको बताए ।
त्यसअघि सभा उद्घाटन गर्दै गण्डकी प्रदेश प्रमुख पृथ्वीमान गुरुङले मानिसको जीवनमा खेलकुदको महत्वबारे प्रकाश पारे । उनले तेक्वान्दो विकासमा तेक्वान्दो संघ गण्डकीले उल्लेख्य कार्य गरेको भन्दै प्रशंसा गरे । कार्यक्रममा विभिन्न संघसंस्थाका प्रतिनिधि लगायत संघका केन्द्रीय सदस्य राम गिरी र कुमार घिसिङको समेत उपस्थिति थियो ।
संघका अध्यक्ष जगनबहादुर गुरुङको अध्यक्षतामा भएको कार्यक्रमको संचालन दीपेन्द्र पहारीले गरेका थिए । बन्दसत्रमा महासचिव रमेश पौडेल र कोषाध्यक्ष माइकल कर्माचार्यले प्रस्तुत गरेको प्रतिवेदन सर्वसम्मत पास गरिएको थियो ।

Related News

सम्बन्धित समाचार

  • पोखरामा राष्ट्रिय स्नुकर प्रतियोगिता

    आदर्श समाज सम्वाददाता श्रावण ३०, २०७९
    पोखरा । पोखरामा प्रथम राष्ट्रिय खुल्ला स्नुकर प्रतियोगिता–२०७९ हुने भएको छ । देविज स्नुकर क्लब आयोजनामा भदौ १२ देखि १९…
  • क्रिकेटमा सेन्ट्रल क्रिकेट एकेडेमीको जीत

    आदर्श समाज सम्वाददाता श्रावण २८, २०७९
    पोखरा । सेन्ट्रल क्रिकेट एकेडेमीले ३ खेलको एकदिवसीय क्रिकेट श्रृंखला २–० सँगै जितेको छ । श्रृंखलाको अन्तिम खेल शनिबार पोखरा…
  • ‘स्वस्थ नागरिकका लागि खेलमैदान’

    धनबहादुर गुरुङ श्रावण २८, २०७९
    पोखरा । ‘खेलकुद मन्त्रालयको कामले स्वास्थ्य मन्त्रालयलाई घाटा हुन सक्छ किनभने मैले सुगरका बिरामी नहोलाजस्तो देखेको छु ।’ यो अभिव्यक्ति…
  • लोकतान्त्रिक खेलकुदको बधाई

    आदर्श समाज सम्वाददाता श्रावण २४, २०७९
    पोखरा । नेपाल लोकतान्त्रिक खेलकुद संघ कास्की जिल्ला शाखाले संघमा जनप्रतिनिधि तथा विभिन्न संघ संस्थामा निर्वाचित सदस्यलाई सम्मान तथा बधाई…
  • ‘नवौं राष्ट्रिय खेलको मिति परिवर्तन हुँदैन’

    आदर्श समाज सम्वाददाता श्रावण २४, २०७९
    पोखरा । राष्ट्रिय खेलकुद परिषद् (राखेप) का सदस्य सचिव टंकलाल घिसिङले पोखरामा आयोजना हुने नवौं राष्ट्रिय खेलकुद निर्धारित मितिमै हुने…

hero news full width