पोखरा। गण्डकी प्रदेशमा सोमबार थप १ हजार ५ सय ३० जनाले कोरोना जितेका छन् । यो संख्या अघिल्लो दिनभन्दा दोब्बर बढी हो । आइतबार ७ सय ४४ जना कोरोनामुक्त भएका थिए ।
पछिल्लो साता कोरोना संक्रमित तुलनामा कोरोनामुक्त हुने बढी छन् । यस साता ६ हजार ८ सय ५६ जनाले कोरोना जितेका हुन् । सोमबार १ हजार ५ सय ३० निको हुँदा ७ सय ९१ संक्रमित थपिएको प्रदेश स्वास्थ्य निर्देशनालयले जनाएको छ ।
गण्डकीमा कोरोनामुक्त हुनेको संख्या ३८ हजार ६६ पुगेको छ । नेपालभरको तथ्यांक हेर्दा पनि संक्रमितभन्दा निको हुने दर बढी छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ६ हजार ९ सय ५१ संक्रमणमुक्त भए । हालसम्म निको हुने ४ लाख ९७ हजार ९ सय ६० पुगिसकेको छ ।
गण्डकीमा सोमबार ७ सय ९१ मा संक्रमण पुष्टि भएको छ । तीमध्ये कास्कीका १ सय ६५, म्याग्दी २६, पर्वत २९, गोरखा १ सय ९६, लमजुङ ६७, तनहुँ ७०, बागलुङ ५७, स्याङ्जा ५६ जना र नवलपुरका १ सय २५ जना गरी प्रदेशका ९ जिल्लामा ३ सय ९७ पुरुष तथा ३ सय ९४ जना महिलामा कोरोना पुष्टि भएको हो । योसँगै गण्डकीमा कोरोना संक्रमित संख्या ४७ हजार २ सय ९१ पुगेको छ ।
नेपालमा ४ हजार ४ सय ७२ संक्रमित थपिएका छन् । मन्त्रालयका अनुसार पछिल्लो २४ घण्टामा एन्टिजेन विधिबाट ५ हजार ९ सय १ जनाको परीक्षण गर्दा १ हजार १ सय २ जनामा संक्रमण पुष्टि भएको छ भने पिसिआर विधिबाट १२ हजार २ जनाको परीक्षण गर्दा ३ हजार ३ सय ७० जनामा संक्रमण पुष्टि भएको छ । गएको २४ घण्टामा जम्मा १७ हजार ९ सय ३ जनाको परीक्षण भएको थियो । यससँगै देशभर कुल कोरोना संक्रमित पिसिआरतर्फ कुल संख्या ५ लाख ९१ हजार ४ सय ९४ पुगेका छन् । एन्टिजेनतर्फ १४ हजार ६ सय ६१ पुगेका छन् । हालसम्म कोरोना निको हुनेको कुल संख्या ४ लाख ९७ हजार ९६० पुगेको छ ।
थप १७ को मृत्यु
गण्डकीमा थप १७ जना कोरोना संक्रमितको मृत्यु भएको छ । तीमध्ये कास्कीका ६, नवलपुरका ४, पर्वतका २, स्याङ्जा, म्याग्दी, तनहुँ, लमजुङ र बागलुङका १÷१ जना छन् ।
पोखरा १ का ९७ वर्षीय पुरूषको आइतबार फिस्टेल अस्पतालमा उपचार क्रममा मृत्यु भएको छ । पोखरा १७ का ५६ वर्षीय कोरोना संक्रमित पुरूष सोमबार मेडिप्लस अस्पतालमा, पोखरा १६ की ३५ वर्षीया महिलाको पोखरा स्वास्थ्य विज्ञान प्रतिष्ठानमा ज्यान गएको छ । पोखरा १७ का ५६ वर्षीय पुरूषको मेडिप्लस अस्पतालमा, पोखरा १५ का ७० वर्षीय पुरूषको गण्डकी मेडिकल कलेजमा, पोखरा २२ का ४८ वर्षीय पुरूषको बुद्ध अस्पताल, पोखरामा मृत्यु भएको छ ।
यसैगरी, नवलपुरको विनयत्रिवेणी गाउँपालिका १ का ३८ वर्षीय पुरूषको पोखरा स्वास्थ्य विज्ञान प्रतिष्ठानमा, नवलपुर विनयत्रिवेणी २ की ४५ वर्षीया महिलाको चितवन मेडिकल कलेजमा, विनयत्रिवेणी २ का ७८ वर्षीय पुरूषको चितवन मेडिकल कलेजमै निधन भयो ।
नवलपुर विनयत्रिवेणी ५ का ३६ वर्षीय पुरूषको चितवन मेडिकल कलेजमा, पर्वत कुश्मा १० का ७२ वर्षीय पुरूषको धौलागिरी अस्पताल बागलुङमा, पर्वतकै बिहादी गाउँपालिका ७ की ८० वर्षीय महिलाको पश्चिमाञ्चल सामुदायिक अस्पतालमा ज्यान गएको छ ।
म्याग्दी जलजला १ की ५२ वर्षीया महिलाको मेट्रोसिटी अस्पतालमा, बागलुङ तमानखोला ३ का ६३ वर्षीय पुरूषको धौलागिरी अस्पतालमा, स्याङजा पुतलीबजार १० का ७० वर्षीय कोरोना संक्रमित पुरूषको चरक मेमोरियल अस्पतालमा निधन भयो ।
तनहुँ शुक्लागण्डकी ४ का ४३ वर्षीय पुरूषको गण्डकी मेडिकल कलेज र लमजुङ वेंसीसहर ६ की ६५ वर्षीया महिलाको पोखरा स्वास्थ्य विज्ञान प्रतिष्ठानमा मृत्यु भएको प्रदेश स्वास्थ्य निर्देशनालयले जनाएको छ ।
योसँँगै प्रदेशमा कोरोनाबाट ज्यान गुमाउनेको संख्या ७ सय ७९ पुगेको छ । नेपालभर पछिल्लो २४ घन्टामा ९२ जनाले ज्यान गुमाएसँगै कुल मृतक संख्या ७ हजार ९ सय ९० पुगेको छ ।
Related News
सम्बन्धित समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१