लान्द्रुकमा हनी हन्टिङ महोत्सव तयारी

आदर्श समाज सम्वाददाता
वैशाख २५, २०८१
hoeny hunting progrem photo

पोखरा । अन्नपूर्ण गाउँपालिका–७ को पर्यटकीय गाउँ लान्द्रुकमा यस वर्ष पनि हनी हन्टिङ महोत्सव हुने भएको छ । आगामी ८ देखि १० जेठसम्म लान्द्रुकस्थित कोटेसाङमा महोत्सव गर्न लागिएको मंगलबार पोखरामा पत्रकार सम्मेलन गरी जानकारी दिइयो ।

अन्नपूर्ण गाउँपालिका प्रवद्र्वक रहेको महोत्सवमा विभिन्न सामाजिक संघसंस्थाको सहयोग रहने महोत्सव मूल आयोजक समिति अध्यक्ष सुरेश गुरुङले बताए ।

महोत्सव अवसरमा हालका भिरौटेहरु साथै दिवंगत भएका भिरौटेलाई मरणोपरान्त सम्मान गरिने कार्यक्रम छ । सम्मानित हुनेमा खड्गबहादुर गुरुङ, आनन्द पौडेल, मनबहादुर पुन, घनश्याम चापागार्इं, नक्कल गुरुङ, मिमबहादुर गुरुङ, अर्जुन गुरुङ, जय पौडेल क्षत्री लगायत छन् । त्यस्तै स्वः जंगावीर क्षत्री, हबल्दार सेते गुरुङ, प्रतापबहादुर गुरुङ, नन्दलाल भण्डारी, देवीलाल भण्डारी, भवरसिं गुरुङ लगायतलाई मरणोपरान्त सम्मान गरिँदैछ ।

भिरमौरीको मह त्यहाँ जेठ र मंसिरमा गरी वर्षमा २ पटक निकालिन्छ । योसँगै हालसम्म तेस्रो पटक महोत्सव नै गरेर भिरका गोलाबाट मह निकाल्न लागिएको हो । आन्तरिक एवं बाह््य पर्यटक आकर्षित गर्न, स्थानीय कला र संस्कृतिलाई संरक्षण र प्रवद्र्वन गर्न, युवालाई स्वाभलम्बी बनाउन, गाउँलाई देश विदेशमा चिनाउन महोत्सव गर्न लागिएको प्रचारप्रसार संयोजक बलबहादुर क्षत्रीले बताए ।

लान्द्रुकवासीका लागि भिरमौरीको मह काढ्ने कार्य सामान्य भए पनि धेरैलाई नौलो विषय हुन सक्छ । पर्यटन पर्वद्वनमा पनि सघाउ पुग्ने सोचेर महोत्सवमा पालिकाले सहयोग गरेको अन्नपूर्ण गाउँपालिका प्रवक्ता एवं वडाध्यक्ष भरतमान् गुरुङले बताए ।

भिरमौरी महको माग उच्च छ । यो मह लिटरको तीन हजार रुपैयाँसम्ममा बिक्री हुने गर्दछ । यसपटक त्यहाँ करिब २ सयदेखि ३ सय लिटरसम्म मह संकलन हुने अनुमान छ । मह बिक्री गर्न समस्या छैन, महोत्सव हुने थाहा पाएपछि पहिला नै मह किन्न मानिसहरु त्यहाँ जाने गर्दछन् । मह शिकार गर्ने परम्परालाई महोत्सवमा रुपान्तरण गर्दा नयाँ पुस्ताले समेत कसरी भिर मौरीको मह काढ्न सकिन्छ भन्ने ज्ञान दिलाउन पनि महोत्सवको आयोजना गरिएको प्रवक्ता गुरुङले बताए ।

Related News

सम्बन्धित समाचार

  • गण्डकीमा बजेटको सिद्धान्त र प्राथमिकता आज

    आदर्श समाज सम्वाददाता जेठ १७, २०८१
    पोखरा । गण्डकी प्रदेशमा नयाँ मुख्यमन्त्री नियुक्ति भएलगत्तै प्रदेश सभाको बैठक आज बस्ने भएको छ । प्रदेश सभा सचिवाललयले सूचना…
  • पोखरा मुग्लिन सडक विस्तार- पोखरा खण्डमा पिचको तयारी

    आदर्श समाज सम्वाददाता जेठ १७, २०८१
    पोखरा । निर्माणाधीन पोखरा मुग्लिन सडक विस्तार परियोजनाको पोखरा खण्डमा पिचको तयारी गरिएको छ । पछिल्लो समय तीव्रताका साथ काम…
  • ५२ दिनपछि पाण्डेको ‘कमब्याक’

    आदर्श समाज सम्वाददाता जेठ १७, २०८१
    पोखरा । नेपाली कांग्रेस गण्डकी प्रदेश संसदीय दलका नेता सुरेन्द्रराज पाण्डे ५२ दिनपछि गण्डकीको मुख्यमन्त्रीमा फर्किएका छन् । सर्वोच्च अदालतले…
  • प्रदेशका मन्त्रीले क्वाटरमै बुझे ५० लाख घुस !

    आदर्श समाज सम्वाददाता जेठ १६, २०८१
    गण्डकी प्रदेशका एक मन्त्रीले पदमा बहाल रहेकै बेला निवासमै बोलाएर बहुवर्षे योजनाका लागि ५० लाख रुपैयाँ बुझेको, बाँकी १० लाख…
  • रविचन्द्रलाई अन्नपूर्ण पर्यटन पुरस्कार

    आदर्श समाज सम्वाददाता जेठ १६, २०८१
    पोखरा । अन्नपूर्ण सेन्चुरी पर्यटन समितिद्वारा सञ्चालित यस वर्षको अन्नपूर्ण पर्यटन पत्रकारिता पुरस्कार–२०८१ रविचन्द्र पराजुलीलाई प्रदान गरिने भएको छ ।…

hero news full width

trending post

ट्रेन्डिङ्ग