पोखरा । आठौं पोखरा स्पोर्ट्स अवार्डको वर्ष खेलाडी (महिला) विधामा आर्चरीकी अनुश्का शेरचन, भलिबलकी अरुणा शाही र आइटीएफ तेक्वान्दोकी सुस्मिता थापामगर उत्कृष्ट ३ को मनोनयनमा परेका छन् । छनोट समितिको सिफारिसमा तीमध्ये सर्वोत्कृष्ट १ जनालाई शुक्रबार स्कुटरसहित अवार्ड प्रदान गरिने छ । आयोजक नेपाल खेलकुद पत्रकार मञ्च गण्डकीले गत वर्षको खेल उपलब्धि आधारमा मनोनयनमा पारेका ३ खेलाडीलाई नजिकबाट चिनौं-
अनुश्का शेरचन (आर्चरी)
पोखराकी अनुश्का बल्ल १७ वर्षकी भइन् । ११ वर्षको छँदै आर्चरी खेल्न थालेकी उनी आठौं राष्ट्रिय खेलकुद भाग लिएर टिम इभेन्टमा गोल्ड मेडल जितेकी थिइन् । राष्ट्रिय खेलकुदमा पदकसँगै नवौंमा समेत उनले खेल खेलिन् । जसमा मिक्स इभेन्टमा रजत र टिम इभेन्टमा कास्य जित्न सफल भइन् । बाबु योगेन्द्र शेरचनको प्रेरणाबाट आर्चरीमा लागेकी उनी नेपाली आर्चरी खेलको भविष्य हुन् । सानै उमेरमा उदाएकी उनले आर्चरीबाट नेपाललाई ठूलै पदक दिलाउने आशा गर्न सकिन्छ । आर्चरीप्रति इच्छा जाहेर गरेपछि परिवारले उनलाई समर्थन गर्दै प्रशिक्षणमै व्यस्त गराएका छन् । २०८० मा अनुश्काले इराकको बागदादमा भएको एसिया आर्चरी कपमा सहभागी भई दोस्रो चरणसम्म प्रवेश गर्न सफल भइन् । गत वर्ष पोखरामा सम्पन्न ११ औं राष्ट्रिय च्याम्पियनसिपमा व्यक्तिगत प्रतिस्पर्धामा स्वर्ण र मिक्स टिममा स्वर्ण पदक जितेकी थिइन् । उनी मञ्चले आयोजना गरेको स्पोर्टस् अवार्डको चौंथो संस्करणमा समेत उदीयमान खेलाडी विधामा उत्कृष्ट ३ भित्र परेकी थिइन् ।
अरुणा शाही (भलिबल)
नेपाली महिला राष्ट्रिय टिमको कप्तान अरुणाले भलिखेल खेल थाल्दा मात्र १३ वर्षकी थिइन् । पछि गण्डकीको प्रतिनिधित्व गर्दै खेल्ने उनले सन् २०१४ मा नेपालमा आयोजना भएको माल्दिभ्ससँगको अन्तर्राष्ट्रिय मैत्रीपूर्ण खेलबाट राष्ट्रिय टोलीमा डेब्यु गरिन् । त्यसयता नियमित राष्ट्रिय टोलीमा स्थान बनाइराख्न सफल उनले भारतसँगको मैत्रिपूर्ण, साउथ एशियन आमन्त्रण भलिबल च्याम्पियनसिप, एभीसी सेन्ट्रल जोन, १२ र १३ औं साग खेल्दै भलिबलमा आफ्नो एकछत्र राज गरिरहेकी छिन् । अरुणाले राष्ट्रिय टोलीमा डेब्यु गरेको ५ वर्षपछि सन् २०१९ मा राष्ट्रिय टोलीको कप्तानमा नियुक्त भइन् । कप्तानी सम्हाल्दै उनले अन्तर्राष्ट्रिय प्रतियोगितामा नेपाललाई ऐतिहासिक पदक समेत दिलाउन सफल भएकी छन् ।
अरुणाकै कप्तानीमा सन् २०१९ मा एशियन सेन्ट्रल जोन महिला भलिबल च्याम्पियनसिपमा नेपालले उपाधि जितेको थियो । टोलीले गत वर्ष चीनमा भएको १९ औं एसियाडमा पहिलो पटक सहभागिता जनायो । गत वर्ष काभा कपमा कास्य पदक जित्न सफल भयो । यी २ प्रतियोगितासँगै अरुणाले राष्ट्रियस्तरको एनभीए कप भलिबलमा एभरेष्ट क्लबको प्रतिनिधित्व गर्दै च्याम्पियन भइन् । अवार्डमा ४ पल्टसम्म मनोनयनमा परेकी उनी यसअघि २ पटक वर्ष खेलाडी भइसकेकी छन् । यसपालि जिते उपाधिमा ह्याट्रिक हुनेछ।
सुस्मिता थापामगर (आइटीएफ तेक्वान्दो)
२०६० सालमा बागलुङ बडिगाडमा जन्मिएकी सुस्मिताले छोटो समयमै उचाइ हासिल गरिसकेकी छिन् । कक्षा ६ पढ्दा भलिबल खेलेकी उनी विद्यालयस्तरमा प्रतियोगितामा भाग लिई विभिन्न पदक जित्ने गर्थिन् । तर आफूले पढ्दै गरेको भानु स्कुलमा २०७४ सालमा रवीन्द्र बुढामगरले आइटिएफ टेक्वान्दो दोजाङ सञ्चालन गरेपछि तेक्वान्दोप्रति आकर्षित भइन् । त्यसबेला ८ कक्षा पढ्थिन् । खेल सिकिन् र छोटो समयमै नीगलापनी आइटिएफ तेक्वान्दो डोजाङकै उत्कृष्ट खेलाडी बनिन् । उनले आठौं राष्ट्रिय खेलकुदमा १ स्वर्ण र २ रजत पदक जितेकी थिइन् । नवौंमा गण्डकीलाई १ स्वर्ण र १ रजत पदक दिलाउन सफल भइन् । गत वर्ष उनी काजकिस्तानमा भएको २२ औं वल्र्ड आइटिएफ च्याम्पियनसिपमा सहभागी भइन् । ११ औं नेसनल जेनेरल चोइ आइटीएफ तेक्वान्दो डो च्याम्पियनसिप एकलतर्फ १ स्वर्ण, टिम प्यार्टन १ स्वर्ण, व्यक्तिगत १ कास्य हासिल गरिन् भने ८ औं नेसनल प्रोफेसनल तेक्वान्दो आइटिएफ च्याम्पियनसिप व्यक्तिगततर्फ १ स्वर्ण प्राप्त गरिन् ।
Related News
सम्बन्धित समाचार
एकातिर खोला, अर्कैतिर पुल
एमाले मुस्ताङको अध्यक्षमा दीपक लालचन
फिल्म ‘लण्डन टु पेरिस’ को ‘चाहन्छु यो माया’ गीत सार्वजनिक
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जिभिपी युके लन्डनलाई भलिबल उपाधि
hero news full width
मुख्य समाचार
ढुंगाबालुवा चोरी निकासीमा संलग्न ५ गाडी नियन्त्रण
एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१