अन्नपूर्ण गापाले सार्वजनिक गर्‍ यो वर्षभरीका उपलब्धि

आदर्श समाज सम्वाददाता
जेठ ६, २०८१
annapurna gaupalika progrem photo

पोखरा, ६ जेठ ।अन्नपूर्ण गाउँपालिकाले पछिल्लो १ वर्षमा गरेका कार्य समेटेर छापिएको पुस्तक ‘अन्नपूर्ण दर्पण भाग २’ आइतवार सार्वजनिक गरेको छ ।अहिलेका जनप्रतिनिधीले पदवहाली गरेको २ वर्ष पुगेको अवसरमा उक्त पुस्तक प्रकाशन गरिएको हो ।

पुस्तक सार्वजनिक गर्दै गाउँपालिका अध्यक्ष विष्णुबहादुर केसीले आफूहरुले इमान्दारपूर्वक कार्य गरिरहेको दावी गर्दै जनताको विश्वासलाई तलमाथि हुन नदिने बताए ।उनले दर्पण प्रकाशनसँगै पालिकाले गरेका गतिविधि जनता समक्ष पुग्ने विश्वास व्यक्त गर्दै विधि तथा नियमसंगत रुपमा पालिका संचालन भइरहेको स्पष्ट पारे ।

एकीकृत पर्यटन सूचना केन्द्र स्थापना, गरिवको निःशुल्क स्वास्थ्य विमा, कृषि जैविक विविधता मेला, वडागत पकेट कार्यक्रम घोषणा, टेकिङ गाइड तालिम, गुरुङ भाषा संरक्षणका लागि शिक्षक नियुक्ति, राजश्व शिविर लगायत पछिल्लो वर्षका महत्वपूर्ण उपलब्धी भएको अध्यक्ष केसीले स्मरण गरे ।

तत्कालिन जिल्ला विकास समिति कास्की सभापति पुण्यप्रसाद पौडेलले परिणाममुखी कार्य गर्न पालिकालाई सुझाव दिर्दै पुस्तक प्रकाशन भएकोमा खुशी व्यक्त गरे ।उनले पालिकाका गतिविधिमा आफ्नो सधै साथ रहेको स्पष्ट पार्दै पालिका गरिव जनताको पक्षमा हुनुपर्ने औँल्याए ।

पालिकाका संस्थापक अध्यक्ष युवराज कुँवरले आफ्ना गतिविधीलाई लिपीबद्ध गरेकोमा पालिकालाई धन्यवाद दिर्दै जनप्रतिनिधी तथा कर्मचारी बीच सौहार्द वातावरण भए विकासले चाँडै फड्को मार्ने जनाए ।उनले गाउँपालिका राष्ट्रिय महासंघ मार्फत संघ सरकारबाट स्थानीय तहमा आउने बजेटको आकार बढाउन पालिका नेतृत्वको ध्यानाकर्षण गराए।

गाउँपालिका उपाध्यक्ष चन्द्रकला देवकोटा अधिकारीले संघीयता कार्यान्वयन गर्ने महत्वपूर्ण निकायमा रुपमा स्थानीय तहलाई चित्रित गर्दै आफूहरुले अन्नपूर्णलाई सुशासनमैत्री पालिका बनाउन लागि परेको बताइन् ।दिउँसै सपना देखेर आफूहरुले कार्य गरिरहेको धारणा राख्दै उपाध्यक्ष अधिकारीले चाँडै नै लान्द्रुक खानेपानीलाई व्यवस्थित रुपमा संचालन गरी बजारीकरण पनि गरिने धारणा राखिन् ।

त्यस अवसरमा पूर्व उपाध्यक्ष सगुन गुरुङ, राप्रपा केन्द्रीय सदस्य कुलबहादुर गुरुङ कुलु, प्रवक्ता समेत रहेका वडा नं.७ अध्यक्ष भरतमान् गुरुङ(पुस्तक प्रकाशन समिति संयोजक समेत), वडा नं. ११ अध्यक्ष हिमबहादुर गुरुङ, ५ का अध्यक्ष जीवनाथ पौडेल शंकर, नेपाली काँग्रेस पालिका सभापति मनपति भण्डारी, माओवादी केन्द्रका धर्मबहादुर गुरुङ, राप्रपा नेता हरीराम भण्डारी, नेकपा एकीकृत समाजवादीका भरत देवकोटा लगायतले पनि दर्पणको महत्वका बारेमा धारणा राखे ।
प्रमुख प्रशासकीय अधिकृत विष्णुप्रसाद पोखरेलले पछिल्लो १ वर्षका गतिविधिलाई सारशंमा प्रस्तुत गर्दै अन्नपूर्णले ‘कृषि, पर्यटन, उर्जा र पूर्वाधारः अन्नपूर्ण समृद्धिको आधार’ नारालाई आत्मसात गर्दै कार्य गरीआएको जनाए ।

कार्यक्रमका बीच जिल्लास्तरीय राष्ट्रपति रनिङ शिल्ड प्रतियोगितामा अन्नपूर्णलाई द्वितीय स्थान हासिल गराउन सफल पालिका समूहको नेतृत्व गरेका शिक्षकहरु उद्धवराज सुवेदी तथा दिल जिसीले नगद सहितको पुरस्कार पालिकालाई हस्तान्तरण गरे ।

अन्नपूर्ण दर्पण २ मा पालिकाले पछिल्लो वर्षमा गरेका कृषि, पशुसेवा, पर्यटन तथा प्रविधि, प्रशासनिक सेवा, स्वास्थ्य, योजना, सुरक्षित आप्रवासन(सामी) कार्यक्रम, पूर्वाधार, शिक्षा, वातावरण, सरसफाई, राजश्व, सहकारी, गरिवी निवारणका लागि लधु उद्यम् विकास कार्यक्रम(मेड्पा) अन्तर्गत भए गरेका गतिविधि लगायतलाई मुख्य रुपमा समेटिएको छ ।

पालिका अध्यक्ष केसीको अध्यक्षतामा भएको उक्त कार्यक्रममा प्रवक्ता गुरुङले स्वागत तथा शिक्षा युवा तथा खेलकुद शाखा प्रमुख बलराम भुगाईले कार्यक्रम संचाललन गरे।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • सेती नदी संरक्षणका लागि प्रधानमन्त्रीको ध्यानाकर्षण

    आदर्श समाज सम्वाददाता असार ४, २०८१
    पोखरा । सेती नदी संरक्षण अभियानका पदाधिकारीहरूले प्रधानमन्त्री पुष्पकमल दाहाल ‘प्रचन्ड’ सेती नदी किनारको अहिलेको अवस्थाबारे ध्यानाकर्षण गराइएको छ ।…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • ४ हजार ५ सय २४ जनालाई तालिम

    आदर्श समाज सम्वाददाता असार ३, २०८१
    चितवन । भरतपुर महानगरपालिकाले आर्थिक वर्ष २०८०/८१ मा ४ हजार ५ सय २४ जनालाई निशुल्क तालिम दिएको छ । उत्पादनलाई…

hero news full width