पोखरा । पोखरा उपमेयर मञ्जुुदेवी गुुरुङले महिलाहरू आर्थिकरुपमा मजबुुत हुनपर्ने बताएकी छन् । पोखरा १५ ले आयोजना गरेको कृष्टल माला, चुरा, पोते तथा फेब्रिक माला, ब्याज बनाउने तालिम समापन कार्यक्रममा उनले महिलाहरू आयआर्यजनसँग जोडिएर आर्थिकरुपमा सक्षम नभएसम्म समाजमा अघि बढ्न नसकिने बताइन् ।

महिलाहरू घरमा धेरै काम गर्ने भए पनि श्रमको मूल्य नहुने भन्दै स्वरोजगार बन्नुपर्नेमा उनले जोड दिइन् । तालिम लिएपछि व्यवसायी बन्दै आर्थिकरुपमा सबल र सक्षम बन्नका लागि व्यावसायिक बन्नुपर्नेमा उनले सुझाव दिइन् ।

पोखरा १५ का अध्यक्ष तोरणबहादुर बानियाँले वडाका महिलाहरूको आवश्यकता ठानेर तालिम दिएको बताउँदै तालिमबाट प्राप्त सिप र ज्ञानलाई उपयोग गरेर आत्मनिर्भर बन्ने अपेक्षा गरेको बताए ।

कार्यक्रममा महानगरका कार्यपालिका सदस्य मन्दिरा गौतम, पोखरा १५ का वडासदस्य बलराम पौडेलले वडा कार्यालयले प्रदान गरेको तालिमबाट वडामा आयोजना हुने कार्यक्रमका लागि माला, ब्याज उत्पादन गर्ने र आयआर्जनका आत्मनिर्भर बन्न सक्ने विश्वास व्यक्त गरे ।