पोखरा । राजनीतिक समीकरणमा काठमाडौंको भूकम्पले प्रदेशका सरकारमा शक्तिशाली पराकम्प चलिरहेको छ । एमाले–माओवादी बीचमा २०७४ को चुनावी गठजोड र २०७५ को पार्टी एकीकरण पूर्णरुपमा भाँचिएको छ ।
दुवै पार्टी एक अर्का बीच एकले अर्कोलाई गिराउने योजनाका साथ लागिरहेका छन् । माओवादी मात्रै होइन एमाले भित्रैका माधव नेपाल–झलनाथ खनाल समूह पनि प्रधानमन्त्री तथा पार्टी अध्यक्ष केपी शर्मा ओलीविरुद्ध छन् । माधव समूहकै सांसदले ‘फ्लोर क्रस’ गरेर कर्णालीमा कमजोर माओवादी सरकार टिक्यो । कर्णालीमा एमालेका सांसदले ‘फ्लोर क्रस’ गरेपछि त्यसको रोग लुम्बिनी प्रदेशमा छि¥यो । दिउँसो मुख्यमन्त्री विरुद्ध अविश्वास प्रश्तावमा हस्ताक्षर गरेर जनता समाजवादी पार्टीका ३ सांसदले साँझपख उनै मुख्यमन्त्रीको ‘क्याबिनेट’मा मन्त्रीको सपथ खाए ।
कर्णालीमा एमाले र लुम्बिनीमा जनता समाजवादी जस्तै गण्डकीमा माओवादीका सांसदसँग शंका तेर्सिएको छ
एमालेले नै अविश्वास प्रश्ताव दर्ता गराएको कर्णाली सरकारका लागि विपक्षमा पर्याप्त मत थियो । एमालेकै ४ सांसद आफ्नो पार्टीको विरुद्ध उभिए । नेपाल कम्युनिस्ट पार्टी (नेकपा) लाई सर्वोच्च अदालतको फैसलाले पूर्ववतः अवस्थामा फर्काएपछि साविक नेकपा माओवादी केन्द्र एमालेबाट छुट्टिएर कांग्रेससँग टाँसियो । सबैभन्दा बलियो गण्डकी सरकार विरुद्ध विपक्षीको पल्ला भारी भयो र गुरुङ सरकारविरुद्ध २८ सांसदको हस्ताक्षरमा अविश्वास प्रस्ताव दर्ता भयो । मुख्य ‘फ्याक्टर’ का रुपमा रहेको राष्ट्रिय जनमोर्चाले आफ्नो शक्ति देखाइदियो । सबैभन्दा बलियो मानिएको गण्डकी सरकारको कुर्ची जनमोर्चाले समर्थन फिर्ता लिएर नयाँ गठजोडलाई सघाउने केन्द्रीय निर्देशनपछि हल्लिन थालेको छ ।
यद्यपि हस्ताक्षर गर्ने २८ सांसद र अलिखित सहयोगको बाचा गरेको राष्ट्रिय जनमोर्चाको साथ जोगाइराख्न कांग्रेस–माओवादी–जसपा गठजोडलाई निकै सकस देखिएको छ । कर्णालीमा एमाले र लुम्बिनीमा जनता समाजवादी जस्तै गण्डकीमा माओवादीका सांसदसँग शंका तेर्सिएको छ । ‘माओवादीका केही सांसद नियमित सरकारी टोलीसँग छलफलमा छन् । लेनदेनको आन्तरिक प्रस्ताव छ,’ १ सांसदले भने, ‘जनमोर्चाका माननीय पनि पार्टी निर्देशनभन्दा बाहिर बोलिरहेका छन् । वैशाख २ गतेको समर्थन सोमबार १३ वैशाखसम्म टिकाउन मुस्किल देखियो ।’
तथापि कांग्रेस, माओवादी, जनमोर्चा र जनता समाजवादी पार्टीका संसदीय दलका नेताहरु आफ्ना सांसदले दायाँबायाँ नगर्ने अडानमा छन् । ‘बरु एमालेकै सांसदहरु यो सरकार विरुद्ध छन् । उहाँहरुले सहयोग गर्ने अवस्था रहन सक्छ,’ कांग्रेसका १ सांसदले भने, ‘यस्तो अवस्थामा पनि पार्टीको ह्विप विपरित गए राजनीतिक ‘करियर’ रहन्छ र ? त्यसो गर्नु निकै ठूलो चुनौती हो ।’ १३ गतेको तयारीका लागि ३ दलको संयुक्त बैठक शनिबार बसेको छ । ‘अहिलेसम्मको घटनाक्रम जानकारी भयो । अब कसरी जाने सामान्य छलफल गरिएको छ,’ कांग्रेस तर्फमा वार्ता समिति सदस्य विन्दुकुमार थापाले भने, ‘निर्णय भन्दा पुनर्ताजगीका रुपमा बैठक सकियो । हुनसक्ने जोखिम घटाउन सबै प्रतिबद्ध हुनुहुन्छ ।’
सरकार ढाल्ने एजेन्डा टेबुल गर्नका लागि प्रतिपक्षी पार्टीको निवेदनका आधारमा प्रदेश प्रमुखले १३ गतेका लागि विशेष अधिवेशन डाकेका छन् । अधिवेशनको तयारीका लागि आइतबार संसदको कार्यव्यवस्था परामर्श समितिको बैठक बोलाइएको छ । बैठकले कार्यतालिका तय गर्ने छ । प्रतिपक्षी पार्टीहरु १३ गते नै छिनोफानो लगाउने गरी एजेन्डा टेबुल गर्ने तयारीमा छन् । यद्यपि यसबारे छलफल हुनै बाँकी छ । राजनीतिक सहमति जुटे एकै दिनमा अधिवेशनको एजेन्डामा निर्णय हुनसक्ने संसद सचिवालयले जनाएको छ ।
संख्यात्मक रुपमा कांग्रेस–माओवादीको गठजोड बलियो देखिए पनि सत्तारुढ दल नेकपा एमाले पनि निराश छैन । मुख्यमन्त्री पृथ्वीसुब्बा गुरुङ विपक्षी सांसद फकाउन तल्लिन छन् । विपक्षीले सरकार विरुद्ध अविश्वास दर्ता गराएकोले यो प्रश्ताव पास गर्न ३१ मत आवश्यक पर्छ । सरकारले विपक्षमा बहुमत पुग्नबाट रोके कार्यकाल निरन्तर चलाउन सक्छ । अन्यथा नयाँ सरकार गठन हुनेछ । कांग्रेस संसदीय दलका नेता कृष्णचन्द्र नेपाली पोखरेललाई मुख्यमन्त्रीको रुपमा अघि सारेर अविश्वास प्रश्ताव दर्ता भएको छ ।
Related News
सम्बन्धित समाचार
प्रतिभामा सिमसार बहस गर्दै विद्यार्थी
जरोटुप्पोमा सम जयन्ती र सम्मान
‘शैक्षिक क्षेत्रबाट प्रहरी कार्यालय हटाऊ’
सराङकोटमा फागुन १४ देखि महायज्ञ हुने
नमस्ते हस्पिटल १३ औं वर्षमा
hero news full width
मुख्य समाचार
सहारा एकेडेमीका ६ खेलाडी ब्रिगेड ब्वाइजमा अनुबन्धित
कोटीहोम गोलचक्करमा पोखरा
माघ २८, २०८१थ्रिस्टार सेमिफाइनलमा प्रवेश
माघ २८, २०८१पूर्वराजा ज्ञानेन्द्र पोखरामा
माघ २८, २०८१गण्डकी धौलागिरी पेट्रोलियममा मोहन
माघ २८, २०८१सम जयन्तीमा रंगकर्मीको सम्मान
माघ २८, २०८१