मुक्तिनाथको डिबेन्चर बिक्री प्रबन्धकमा सानिमा

Avatar आदर्श समाज सम्वाददाता
चैत्र २४, २०७७
mktinath

पोखरा । मुक्तिनाथ विकास बैंकले १ अर्ब २५ करोड बराबरको ‘मुक्तिनाथ डिबेन्चर ऋणपत्र २०८४÷८५’ निस्कासनका लागि सानिमा क्यापिटललाई बिक्री प्रबन्धकमा नियुक्त गरेको छ ।

सम्झौतापत्रमा मुक्तिनाथतर्फबाट प्रमुख कार्यकारी अधिकृत प्रद्युमन पोखरेल र सानिमाको तर्फबाट प्रमुख कार्यकारी अधिकृत भीष्मराज चालिसेले हस्ताक्षर गरेका छन् ।
बैंकले १ हजार अंकित दरका १२ लाख ५० हजार कित्ताले हुन आउने १ अर्ब २५ करोड बराबरको ‘मुक्तिनाथ डिबेन्चर ऋणपत्र निस्कासन गर्न लागेको हो । बैंकका अनुसार सो परिणामका ऋणपत्रको ६० प्रतिशत (अर्थात ७५ करोड) व्यक्तिगत तवरमार्फत् र ४० प्रतिशत (५० करोड) सर्वसाधारण लगानीकर्तालाई सार्वजनिक निस्कासन विधि मार्फत निस्कासन गरिनेछ । अर्धवार्षिक रुपमा ब्याज प्रदान गरिने सो ऋणपत्रको अवधि ७ वर्षको हुनेछ ।

बैंकले डिजिटल कारोबारलार्ई प्रोत्साहन गर्न भिसा नेटवर्क अन्तर्गतको जुनसुकै बैंकको एटिएमबाट बिना शुल्क रकम झिक्न सकिने व्यवस्था गरिएको छ ।
त्यस्तै, मोबाइल बैंकिङ, क्यूआर कोड स्क्यान, अनलाइन कर्जा आवेदन, अनलाइन खाता खोल्ने, इन्टरनेट बैंकिङ, खातामै रेमिट्यान्स जम्मा घरबाटै गर्न सकिने व्यवस्था समेत गरिएको बैंकका प्रमुख सूचना अधिकारी तिलबहादुर गुरुङले जानकारी दिए ।

Related News

सम्बन्धित समाचार

    hero news full width

    sanil ads

    wordlink ads