पोखरा । मुक्तिनाथ विकास बैंकले फागु पूर्णिमाको अवसरमा होली सप्ताह अफर ल्याएको छ । यस अफरअन्तर्गत चैत ६ देखि १३ गतेसम्म मुक्तिनाथ बैंकको सामान्य बचत खाता खोल्दा १ सयमा नै मुक्तिनाथ भिसा डेबिट कार्ड प्राप्त गर्न सक्ने बैंकले सकिनेछ । तर यसका लागि ग्राहकले चैत १३ गतेभित्र फाराम भरिसक्नुपर्न बैंकका सूचना अधिकारी तिलबहादुर गुरुङले जानकारी दिए ।

सोही अवधिमा खाता खोलेका ग्राहकले खाता खोलेको मितिले ३ महिनासम्म मुक्तिनाथ मोबाइल बैंकिंङको सुविधा निशुल्क प्राप्त गर्न सक्नेछन् ।

होली सप्ताह अफरसँगै ग्र्राहकले चाहेमा डिम्याट खाता निशुल्क खोल्न सकिने छ । बचत र डिजिटल कारोबारको प्रोत्साहन गर्न बैंकले यो अफर ल्याएको सूचना अधिकारी गुरुङले स्पष्ट पारे ।

बैंकले डिजिटल कारोबारलार्ई प्रोत्साहन गर्न भिसा नेटवर्कका जुनसुकै बैंकको एटिएमबाट निशुल्क रकम झिक्न सकिने व्यवस्था मिलाएको छ । यस्तै मोबाइल बैंकिङ, क्युआर कोड स्क्यान, अनलाइन कर्जा आवेदन, अनलाइन खाता खोल्ने, इन्टरनेट बैंकिङ, खातामै रेमिट्यान्स जम्मा लगायत सुविधा बैंकका शाखामा उपस्थित नभई घरबाट नै गर्न सकिने व्यवस्था मिलाएको बैंकले जनाएको छ ।