पोखरा । लगातार २१ खेलसम्म अपराजित म्यान्चेस्टर सिटीको यात्रा रोकिएको छ । प्रिमियर लिगमा आइतबार राति भएको म्यानचेस्टर डर्बीमा म्यानचेस्टर युनाइटेडसँग ०–२ ले हार व्यहोर्‍यो ।

सिटीको घरेलु मैदानमा भएको खेलमा पाहुना टोलीले खेलको ३३ सेकेन्डमै ब्रुनो फर्नान्डेजको पेनाल्टीबाट अग्रता कायम गरेको थियो । दोश्रो हाफको ५० मिनेटमा लुके शको गोलबाट अग्रता दोब्बर बनाएको थियो ।

हारसँगै सिटीको सबैखाले प्रतियोगिताबाट पछिल्ला २१ खेलसम्मको लामो लगातारको विजयी यात्रामा पनि पूर्णविराम लागेको छ । साथै, प्रिमियर लिगमा लगातार १५ खेलसम्मको विजयी यात्रा पनि आजै समाप्त भएको छ । त्यसैगरी, पछिल्ला २७ खेलसम्मको लामो अपराजित यात्रा पनि सिटीले आफ्नै मैदानमा युनाइटेडका हातबाट अन्त्य गरेको छ ।

पाहुना टोलीका लागि सिटीले २३ मुभ बनाएर ६ अन टार्गेट सट हाने पनि नतिजा निकाल्न सकेन । उसले ६६ प्रतिशत बल आफ्नो पकडमा राखेर ७७१ सफल पास खेले पनि गोल टार्न सकेन ।

हार व्यहोरेपनि सिटी २८ खेलमा ६५ अंक जोड्दै शीर्ष स्थानमा कायम छ । युनाइटेडको भने २८ खेलबाट ५४ अंक छ, जुन सिटीको भन्दा ११ अंक कम हो । तेस्रो स्थानको सेस्टर सिटीसँग १ अंकको अग्रता बनाएर यूनाइटेड लिगको दोश्रो स्थानमा उक्लेको छ ।