पोखरा । चिनियाँ स्मार्टफोन उत्पादक कम्पनी साओमीले घुम्ने किसिमको क्यामेरा फोन निर्माण गर्ने भएको छ । जसमा मेन क्यामेरा नै घुमाउन सकिने छ ।

यो क्यामेरा स्मार्टफोनमा एसेम्बल भएपछि मोबाइलको स्क्रिन खुला र ठूलो हुनुका साथै साँघुरो स्क्रिन एजहरु बन्ने छन् । यसमा फ्रन्ट फेसिङ सेल्फी क्यामेरा त हुने छैन, तर बेजलमा रिसिभर भने हुनेछ ।

यसरी मेन क्यामेरालाई नै घुमाउन सकिने भएपछि अन्या सेल्फी क्यामेराको भन्दा गुणसतरीय तस्बिर लिन सकिने छ ।

यस किसिमको स्मार्टफोनमा फ्ल्याससहित क्यामेरा होरिजेन्टल्ली मिलेर बसेको हुन्छ । क्यामेरालाई सेल्फीका लागि प्रयोग गर्न प्रयोगकर्ताहरुले मोड्युललाई माथि उठाएर वरिपरी घुमाउनुपर्ने हुन्छ ।

यसका लागि कम्पनीले हालै नयाँ प्याटेन्ट अधिकार दर्ता गरेको छ ।