मुस्ताङमा पत्रकार महासंघको निर्वाचन समिति गठन

Avatar आदर्श समाज सम्वाददाता
फागुन २०, २०७७
fnj mustang

जोमसोम । नेपाल पत्रकार महासंघको निर्वाचन प्रयोजनका लागि मुस्ताङमा बुधबार निर्वाचन समिति गठन भएको छ । शाखाका अध्यक्ष सुन्दरकुमार थकालीको अध्यक्षतामा बसेको जिल्ला कार्यसमितिको निर्वाचन समिति चयन बैठकले महासंघको विधान २०६० पाँचौं संशोधन (२०७५) बमोजिम सर्वसम्मत निर्वाचन समिति गठन भएको छ ।

नेपाल पत्रकार महासंघको २६ औं महाधिवेशन अन्तगत हुने संघ, प्रदेश र जिल्ला तहको एकैसाथ हँने प्रत्यक्ष निर्वाचनका लागि भीमबहादुर रसाइलीलाई निर्वाचन समिति संयोजकमा चयन गरेको महासंघ मुस्ताङ शाखाका अध्यक्ष सुन्दरकुमार थकालीले जानकारी दिए ।

उनका अनुसार समितिमा जिल्ला अदालत मुस्ताङका तर्फबाट नायव सुब्बा रामचन्द्र सुवेदी र जिल्ला सरकारी वकिलको कार्यालय मुस्ताङकातर्फबाट ऋषिराम सुवेदीलाई निर्वाचन समिति सदस्यमा चयन गरिएको छ ।

निर्वाचन समितिका संयोजक पत्रकार भीमबहादुर रसाइली विगत डेढ दशकदेखि मुस्ताङको पत्रकारिता क्षेत्रमा क्रियाशील छन् । उनी नेपाल पत्रकार महासंघको संस्थापक अध्यक्ष र हिमालपारिको आवाज साप्ताहिक पत्रिकाका प्रकाशक तथा सम्पादक समेत हुन् ।

Related News

सम्बन्धित समाचार

    hero news full width

    sanil ads

    wordlink ads