पोखरा । नेपाल निर्माण व्यवसायी संघ कास्कीको अध्यक्षमा लिलकाजी गुरुङ निर्वाचित भएका छन् ।

उनको यो दोस्रो कार्यकाल हो । संघको १६ औं अधिवेशनमा गुरुङले सुर्वण श्रेष्ठलाई ३० मतले हराएका हुन् । गुरुङले १ सय ९२ मत ल्याउँदा श्रेष्ठले एक ६२ मत पाए ।

संघको वरिष्ठ उपाध्यक्षमा प्रेम पहारी, उपाध्यक्षमा सिरस बास्तोला, सचिवमा डम्बरराज ढकाल विजयी भए । सहचिवमा धु्रवबाबु भट्टराई, कोषाध्यक्षमा हिरामणि पोखरेल र सहकोषाध्यक्षमा किरण गौतम निर्वाचित भए । सदस्यहरुमा जनक श्रेष्ठ, मिलन सुवेदी, स्वीकार पोखरेल, हरिप्रसाद पहारी, प्रकाश जिसी र हेमप्रसाद गुरुङ निर्वाचित भए । नवनिर्वाचित कार्यसमितिको वैशाख ३ गते सोमबार पदस्थापन गरिने संघले जनाएको छ ।

संघको अधिवेशनमा प्रजातान्त्रिक र बामपन्थी गरी २ प्यानलकाबीच चुनाव भएको हो । प्रजातान्त्रिक खेमाको नेतृत्व गरेका गुरुङको प्यानलले पदाधिकारीमा १ पद बाहेक सबैमा जित हासिल गरेको छ ।