पोखरा । जनता समाजवादी पार्टी (जसपा) नेपाल संघीय परिषद अध्यक्ष डा बाबुराम भट्टराईले प्रधानमन्त्री केपी शर्मा ओलीलाई जनताले कारबाही गर्नुपर्ने बताएका छन् । ओलीले प्रतिनिधिसभा मात्र नभई संविधाननै विघटन गरेको तर्क गर्दै पूर्व प्रधानमन्त्री समेत रहेका डा भट्टराईले सर्वोच्चबाट सोचेजस्तो निर्णय नआउन सक्ने पनि संकेत गरे ।
जसपा गण्डकी प्रदेशले पोखरामा बुधबार आयोजना गरेको विरोध कार्यक्रमलाई सम्बोधन गर्दै डा भट्टराईले सो कुरा बताएका हुन् ।
उनले संसद पुनस्र्थापनाबारे अदालतबाट सोचेजस्तो निर्णय नआउन सक्ने हुँदा सडकबाट पैरवी गरिरहनुपर्नेमा जोड दिए । उनले भने, ‘अदालतभन्दा माथि जनताको अदालत हुन्छ, जनताले निर्णय गर्नुपर्छ ।’
अमेरिकामा ८ दिनमात्र कार्यकाल बाँकी रहेका डोनाल्ड ट्रम्पविरुद्ध महाअभियोग प्रस्ताव ल्याउन लागिएको बताउँदै ओलीलाई पनि कारबाही हुनुपर्ने उनको तर्क थियो ।
ओलीले आगामी चुनावमा पराजय बेहोर्ने दाबी गर्दै हार्ने चुनाव उनले नगर्ने ठोकुवा पनि डा भट्टराईले गरे । उनले भने, ‘ओलीले प्रतिनिधिसभा विघटन गरेर संविधानलाई नै धरासायी बनाए । उनीविरुद्धको लडाइँमा हिम्मत नहारौं ।’
अहिले प्रधानमन्त्री ओलीले न्यायधीशलाई धम्क्याएको र आफ्नो आसेपासेलाई नियुक्त गरेको नेता भट्टराईले आरोपसमेत लगाए । नेता भट्टराईले ओलीलाई ‘चटके’ को संज्ञासमेत दिए ।
पार्टीका नेता अशोककुमार राईले प्रतिनिधिसभालाई अनुचित तरिकाले नामजस्तै प्रधानमन्त्री खड्गप्रसाद ओलीले खड्ग प्रहार गरेको बताए । कोरोनाले आर्थिक संकटमा फसेका समयमा ओलीले जनताको आवाज सुन्नुपर्छ कि भन्ने डरले प्रतिनिधिसभा विघटन गरेको आरोप राईको थियो । प्रचण्ड–माधव माइतीघर मण्डलाको सडकमा बसेर आफ्नो स्थान देखाएको उनले बताए । अब आउने दिनमा नेपाली जनता फेरि संघर्षका लागि तयार बस्नुपर्ने उनले बताए ।
केन्द्रीय कार्यकारी सदस्य शरद्सिंह भण्डारीले हिमाल पहाड तथा तराईका पछाडि पारिएकाहरुको पार्टी जनता समाजवादी पार्टी भएको बताए । उनले नेपाल तथा नेपालीको भविष्यका लागि आफूहरुको पार्टी भएको दाबी गरे । नेपाली जनताले ठूला तानाशाह फालेको भन्दै ओलीजस्ता फुच्चे तानाशाह फाल्न कुनै समय नलाग्ने बताए ।
जसपा केन्द्रीय सदस्य तथा गण्डकी प्रदेशसभा सदस्य हरिशरण आचार्यले अब ओलीलाई कालोमोसो र चप्पलको माला लगाएर बालुवाटारबाट बाहिर निकालिनुपर्ने टिप्पणी गरे ।
सो विरोध कार्यक्रममा जसपाका गण्डकी इन्चार्ज गणेशमान गुरुङ, जसपा नेतृ हिसिला यमी, प्रदेशसभा सदस्य धनमाया लामा पोखरेल, शंकर गौतमलगायत नेता उपस्थित थिए ।
Related News
सम्बन्धित समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१