Worldlink ads

ओटेफको साधारणसभामा पत्रकार जमुना वर्षा शर्मा सम्मानित

Avatar आदर्श समाज सम्वाददाता
पौष २७, २०७७
jamuna

पोखरा । राष्ट्रिय समाचार समितिका पोखरा समाचारदाता जमुना वर्षा शर्मा सम्मानित भएकी छन् । समाचारका माध्यमबाट पर्यटन प्रवद्र्धनमा योगदान पु¥याएको भन्दै महिला पर्यटन व्यवसायी मञ्च (ओटेफ)को तेस्रो साधारण सभा तथा दोस्रो अधिवेशनका अवसरमा उनलाई नगद १० हजार रुपैयाँ, सम्मानपत्र र दोसल्लाबाट गण्डकी प्रदेश सभा सदस्य राजीव पहारीले सम्मान गरे ।

कार्यक्रममा गण्डकी प्रदेश सभा सदस्य राजीव पहारीले महिला पर्यटन व्यवसायी संगठित भएर अघि बढ्दा पर्यटन विकासमा टेवा पुग्ने बताए । उनले २०५० साल यता विभिन्न कारणले पर्यटन क्षेत्र प्रभावित हुँदै गएको स्मरण गर्दै अहिले कोभिडका कारण संकटमा परेको भनाइ राखे । अहिलेको अवस्थामा पर्यटनलाई गति दिन सबै संघ संस्थाबीच समन्वय र सहकार्यको खाँचो उनले आंैल्याए । सन् २०१९ मा ४ लाख ८० हजार विदेशी र ५ लाख आन्तरिक पर्यटक गरी करिब १० लाख पर्यटक पोखरा आएकामा २०२० मा भने कोभिडको मारमा पर्यटन व्यवसायी परेको उनले बताए । यस्तै समस्याले पर्यटन क्षेत्रको लगानी जोखिममा रहेको उनको भनाइ छ ।

पोखरा महानगरका उपप्रमुख मन्जुदेवी गुरुङले महिला आफ्नो अधिकारका लागि संगठित भएर अघि बढ्नुपर्ने बताइन् । महानगरले महिला सशक्तीकरणका लागि विभिन्न कार्यक्रम सञ्चालन गरेको उनले जानकारी गराइन् ।
पोखरा पर्यटन परिषद्का अध्यक्ष गोपीबहादुर भट्टराईले पर्यटन क्षेत्रको विकासमा सबैको साथ सहयोग अपरिहार्य हुने जनाए । कोभिड १९ को कारण सुस्ताएको पर्यटनलाई गति दिनुपर्ने भन्दै उनले सरकार व्यवसायीमैत्री बन्दै उनीहरूलाई क्षेत्रबाट पलायन हुनबाट जोगाउन आग्रह गरे ।

आन्तरिक पर्यटन पुनर्राेत्थान समितिका संयोजक अग्नि कँडेलले अहिलेको अवस्था पर्यटनलाई लय फर्काउन आन्तरिक पर्यटन प्रबद्र्धनमा जोड दिनुपर्ने बताए ।

मञ्चका अध्यक्ष जमुना पराजुलीले महिला पर्यटन व्यवसायीको नेतृत्व तथा व्यक्तित्व विकासमा जोड दिँदै पर्यटन विकासका लागि लागिरहेको उल्लेख गरिन् । कार्यक्रममा नेपाल पत्रकार महासंघ कास्की अध्यक्ष दीपेन्द्र श्रेष्ठ, पोखरा महानगरपालिका ६ का वडाध्यक्ष जगत पहारी, सामुदायिक सेवा केन्द्रका अध्यक्ष मीना भट्टराई, सम्मानित व्यक्तित्व जमुना वर्षा शर्मा लगायतले पोखराको पर्यटन लगायतका विषयमा भनाइ राखे । कार्यक्रममा मञ्चका सल्लाहकार देबका पहारी र पम्फा पहारीलाई सम्मान गरिएको थियो । बन्द सत्रले नयाँ कार्यसमिति चयन गर्ने सचिव उमा भण्डारीले जानकारी दिइन् ।

Related News

सम्बन्धित समाचार

    • गाउँमै रोजगारी : परिवारमा खुशीयाली

      rss रासस माघ ११, २०७७
      बलेवा । बरेङ गाउँपालिका–२ हुग्दीशिरकी कमला शर्मा बिहान १०ः०० नबज्दै कुटो कोदालो समातेर काममा निस्कनुहुन्छ । एक महिनादेखि उहाँको काम…
    • आँखा, हात, खुट्टा, नङको सौन्दर्य निखार्न सिजी ब्रोज एन्ड नेल्स

      Avatar आदर्श समाज सम्वाददाता माघ ११, २०७७
      पोखरा। गुरुङ ब्युटी पार्लर एण्ड एकेडेमी प्रालिले महेन्द्रपुलमा थप शाखा बिस्तार गर्ने भएको छ । कम्पनी सञ्चालक महिलाउद्यमी चिनु गुरुङले…
    • विकास खर्च तीन वर्षयताकै कम

      Avatar आदर्श समाज सम्वाददाता माघ ११, २०७७
      काठमाडौं ।  चालू आर्थिक वर्षको साउनदेखि मंसिरसम्म विकास खर्च पछिल्लो तीन वर्षयताकै कम भएको छ। चालू आवको पहिलो पाँच महिनामा…
    • पोउवा संघ टोलीलाई औद्यागिक क्षेत्रमा स्वागत

      Avatar आदर्श समाज सम्वाददाता माघ ८, २०७७
      पोखरा । पोखराको औद्योगिक विकासमा निजी क्षेत्रको समान धारणा हुनुपर्नेमा एक कार्यक्रमका वक्ताहरुले सहमति जनाएका छन् । पोखरा उद्योग वाणिज्य…
    • कृषि विकास बैंकको वार्षिकोत्सव

      Avatar आदर्श समाज सम्वाददाता माघ ७, २०७७
      पोखरा । कृषि विकास बैंकको ५४ औं वार्षिकोत्सव अवसरमा बैंकको गण्डकी प्रदेश कार्यालय पोखराले नयाँबजारमा वार्षिकोत्सव समारोह आयोजना गरेको छ ।…

    hero news full width

    sanil ads

    wordlink ads