स्वाभिमान सहकारीमा कमलबहादुर रेग्मी

adarsha samaj आदर्श समाज संवाददाता
पौष २५, २०७७
swabhiman sahakari

पोखरा, २५ पुस । स्वाभिमान बचत ऋण सहकारी संस्थाको तेस्रो साधारण सभा दोस्रो अधिवेशनले कमलबहादुर रेग्मीको अध्यक्षतामा नयाँ सञ्चालक समिति निर्वाचित गरेको छ ।

कार्यसमिति उपाध्यक्षमा बिमला भण्डारी, सचिव साराबहादुर पोखेरल,कोषाध्यक्ष क्या। यामबहादुर क्षत्री र सहसचिव लक्ष्मी कार्की चयन भए ।
यस्तै सदस्यमा भीमबहादुर खत्री, राधिका कार्की, कृष्णकुमारी महत, अर्चना बस्नेत रोकाहा, नन्दा बस्नेत र अमबहादुर रेग्मी छन् ।
लेखा समिति संयोजकमा वेदबहादुर थापा तथा सदस्य राजबहादुर थापा र मीनाकुमारी जिसी छन् ।

प्रमुख अतिथि पोखरा महानगरपालिका सहकारी विभाग प्रमुख दर्ता अधिकारी अनिल कार्कीले सहकारीको सिद्धान्त अनुरुप चल्न शुभेक्षा दिँदै पोखरामा बैंकको स्तर बराबरका सहकारीको संख्या बढेको बताए ।

पोखरा १७ का वडा सदस्य शान्तादेवी गुरुङले सहकारीको बिस्तारित रुपले मुलुक समृद्धितर्फ अगाडि बढेको बताइन् ।

क्षत्री समाज महिला केन्द्रीय समिति अध्यक्ष उर्मिला खड्काले समाजको नेतृत्वमा सुरु गरेको सहकारी अन्यभन्दा पृथक रहेको बताइन् ।
संस्थाका कार्यवाहक अध्यक्ष बिमला भण्डारीले आपसी भाइचारा र बन्धुत्वको विकास गर्न र व्यावसायिक तथा आर्थिक विकासका लागि सहकारीको महत्वपूर्ण भूमिका रहेको बताइन् ।

संस्थाका शेयर सदस्यका छोराछोरीमध्ये शैक्षिक लगायत विभिन्न क्षेत्रमा उत्कृष्टता हासिल गर्नेहरुलाई सम्मान गरिएको थियो । यस्तै संस्थापक अध्यक्ष लक्ष्मण कार्कीलाई मृत्युपर्यन्त सम्मान गरियो ।

कार्यक्रममा शेयर सदस्यतर्फबाट देविका कार्की, कार्यसमितितर्फबाट साराबहादुर पोखरेल, सल्लाहकार देवीबहादुर थापाले शुभकामना मन्तव्य व्यक्त गरेका थिए ।

संस्थाका कार्यवाहक अध्यक्ष भण्डारीको अध्यक्षतामा भएको कार्यक्रमको सञ्चालन अर्चना बस्नेत रोकाहा र सात सिद्धान्त वाचन नन्दा ढकालले गरेकी थिइन् ।
पोखरा १७ मा रहेको सहकारीमा हाल ८ सय ३७ शेयर सदस्य रहेका छन् ।

Related News

सम्बन्धित समाचार

    hero news full width

    sanil ads

    wordlink ads