बौद्ध अर्घौ सदनमा पदस्थापन

आदर्श समाज संवाददाता
पौष १६, २०७७
baudhya sadan

पोखरा । लोसार पर्व अवसरमा बौद्ध अर्घौ सदन, पोखरा १० मा बुधबार नयाँ कार्यसमितिको पदस्थापन गरिएको छ।

बौद्ध अर्घाै सदनका पूर्वअध्यक्ष तथा प्रमुख सल्लाहकार क्या.मनबहादुर तमुले अध्यक्ष क्या.भुवनसिं तमुलाई शपथ ग्रहण गराए भने अध्यक्ष भुवनसिं तमुले सचिवसहित सदस्यलाई शपथ खुवाए ।

निर्वाचित पदाधिकारीलाई निर्वाचन समिति संयोजक शंकर तमुले प्रमाणपत्र वितरण र बौद्ध अर्घौ सदन गुम्बाका प्रमुख लामा खेन्पो शिर लामा तमुले खादा लगाएर बधाई ज्ञापन गरेका थिए।

संस्थाको अध्यक्षमा क्या.भुनसिं तमु, सचिव मोतिप्रसाद गुरुङ र सदस्य क्या. चन्द्रप्रसाद गुरुङ, विलबहादुर गुरुङ, सु.खिमबहादुर गुरुङ, पञ्चकुमारी गुरुङ, जगनबहादुर गुरुङ, कृष्णबहादुर गुरुङ, प्रभा गुरुङ, कन्याकुमारी गुरुङ, लक्षिनसुबा गुरुङ छन्।

बौद्ध अर्घौ सदनमा बहुउद्देश्यीय गुम्बा निर्माणाधीन अवस्थामा रहेकाले नयाँ कार्यसमितिलाई तमु धिं नेपालका अध्यक्ष हुमबहादुर तमुले बधाई तथा शुभकामना व्यक्त गरेका थिए ।
नवनिर्वाचित अध्यक्ष क्या.भुवनसिं तमुले संस्था र समुदायको हितका लागि आफ्नो टिम क्रियाशील रहने प्रतिबद्धता व्यक्त गरे। नयाँ गुम्बाको करिब ८० प्रतिशत कार्य सम्पन्न भएको उनले बताए।

निर्वाचन समिति संयोजक शंकर तमुको अध्यक्षतामा भएको कार्यक्रमको संचालन निर्वाचन समिति सदस्य वरिष्ठ अधिवक्ता कृष्णबहादुर तमुले गरेका थिए।

Related News

सम्बन्धित समाचार

    hero news full width

    sanil ads

    wordlink ads