कुँडहर सहकारीमा थापा

Avatar आदर्श समाज सम्वाददाता
मंसिर २४, २०७७
bishwa

कुँडहर बचत तथा ऋण सहकारी संस्थाको १२ औं वार्षिक साधारणसभा तथा पाँचौं अधिवेशनले विश्ववन्धु थापाको अध्यक्षतामा नयाँ कार्यसमिति चयन गरेको छ ।

समितिको उपाध्यक्षमा शिवबहादुर बराल, सचिवमा सुरेन्द्र विनोद खनाल, कोषाध्यक्षमा शुक्रराज अधिकारी, सहसचिवमा दया बराल छन् ।

यसैगरी, सदस्यमा आनन्दी राणा(कार्की), किशोरकुमार घिमिरे, दुर्गादत्त भुर्तेल, शान्तबहादुर थापा, गौतम थापा, देवकी रायमाझी छन् ।

सभाले राजेन्द्र वाग्लेको संयोजकत्वमा गुरुप्रसाद ज्ञवाली र वीरबहादुर थापा सदस्य रहेको लेखा समिति गठन गरेको छ ।

सभाको पोखरा महानगरपालिका सहकारी समितिका अध्यक्ष तेजनारायण अधिकारीले उद्घाटन गरेका थिए ।

कार्यक्रममा जिल्ला सहकारी संघ कास्कीका सदस्य सङ्गीता गौतम तिमिल्सिना, सल्लाहकार निर्मलबहादुर थापा, लेखा समितिका संयोजक राजेन्द्र वाग्ले, कुँडहर समाज सेवा समितिका अध्यक्ष शान्तबहादुर थापा र शेयर सदस्य सुवेदार हर्कबहादुर गुरुङले बोलेका थिए ।

सभाले कार्यवाहक अध्यक्ष विश्वबन्धु थापा र कोषाध्यक्ष गोमाकुमारी थापा रायमाझीको प्रतिवेदन पारित गरेको थियो । यस्तै सो अवसरमा कर्मचारी रेनुका भुजेल र रेनुका कार्कीलाई पुरस्कृत गरिएको थियो । विश्वबन्धु थापाको अध्यक्षतामा सम्पन्न सभामा सदस्य दया बरालको स्वागत र सचिव शिवबहादुर बरालको सञ्चालन रहेको थियो ।

Related News

सम्बन्धित समाचार

    hero news full width

    sanil ads

    wordlink ads