पोखरा । पोखरा उद्योग वाणिज्य संघले कर्जाको साँवा र ब्याजको लागि तारन्तार ताकेता गर्दै उद्योगी व्यवसायी अनावश्यक मानसिक तनाव हुनेखालका धम्कीपूर्ण व्यवहार तत्काल रोक्न जोडदार माग गरेको छ ।
संघले बिहीबार विज्ञप्ति जारी गर्दै केही बैंक तथा वित्तीय संस्थाहरुले बैंक तथा वित्तीय संस्थाहरुले तारन्तार टेलिफोन गर्दै भुक्तानीको ताकेता गर्ने तथा धितो लिलाम एवं कालोसूचिमा नाम निकाल्ने धम्कीसमेत दिने गरेको उल्लेख गर्दै यस्तो कार्य गर्नु दुःखद भएको ठहर गरेको हो ।
संघका कावा अध्यक्ष नारायण कोइरालाद्वारा जारी विज्ञप्तिमा नेपाल राष्ट्र बैंकका गभर्नरबाट पनि पटक–पटक बैंक तथा वित्तीय संस्थाहरुलाई मौद्रिक नीतिमार्फत् घोषित कार्यक्रम लागू गर्न एवं व्यवसायीहरुलाई थप दुःख नदिन भएको आग्रहको बेवास्ता नगर्न भनिएको छ ।
‘संक्रमणको त्रासबीच संकूचनमा परेको उद्योग व्यवसाय जोगाउने कि बैंक तथा वित्तीय संस्थाबाट आउने टेलिफोन उठाउने भन्ने अर्को समस्याले पनि नेपालको निजी क्षेत्र प्रताडित बनेको छ’, विज्ञप्तिमा भनिएको छ,‘ संघ मौद्रिक नीतिमार्फत् घोषित राहतका कार्यक्रमहरु तत्काल कार्यान्वयनमा ल्याउन,कर्जाको पुनर्संरचना तथा पुनर्तालिकीकरणको निर्देशन कार्यान्वयन गराउन नेपाल राष्ट्र बैंकसमक्ष अनुरोध गर्दछ ।’
साथै निजी क्षेत्रले कर्जा तिर्दिन नभनेको उल्लेख गर्दै धम्कीबाट अविचलित रहन र परिस्थितिको जटिलतालाई ख्याल राख्दै सुरक्षित तवरले उद्योग व्यवसाय संचालन गर्न उद्योगी व्यवसायीहरुसँग आग्रह पनि गरेको छ ।
Related News
सम्बन्धित समाचार
गण्डकी मेडिकल कलेजमा वित्तीय साक्षरता
कास्कीका सहकारी पीडित एउटै मोर्चामा, बन्यो संयुक्त संघर्ष समिति
न्युरोडमा खुल्यो बेरी लाउन्ज एन्ड बार
गरिमा र टान गण्डकीबीच सम्झौता
न्युरोडमा खुल्यो बेरी लाउन्ज एन्ड बार
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१