‘निदाउँके सपनीमा’ सार्वजनिक

Avatar आदर्श समाज सम्वाददाता
कार्तिक ७, २०७७
nidauke sapanima

काठमाण्डौ। कोरोना महामारीबीच फ्रन्टलाईनमा रहेर बिरामीको सेवा गर्ने दुई डाक्टरको प्रेमकथामा आधारित सांगीतिक भिडियो ‘निदाउँके सपनीमा’ सार्वजनिक भएको छ । दशैँको छेकोमा सार्वजनिक भिडियोमा समावेश गीतमा सुगम पोखरेल र कबिता श्रेष्ठको स्वर रहेको छ । रमेश कुमार श्रेष्ठका शब्दमा एलिश कार्कीको संगीत रहेको छ ।

भिडियोमा ‘प्रेम गीत ३’ अभिनेता मनिष राउत र मोडल रेश्मा घिमिरेको जीवन्त अभिनय रहेको छ । गीतको भिडियोले फ्रन्टलाईनमा रहेर बिरामीको उपचार गर्ने क्रममा आँफै संक्रमित हुनुपरेपछिको अवस्थालाई देखाएको छ । भिडियोमा बिहेपछि पहिलो पटक दशैँ मनाउन तयारी गरिरहेको बेला रेश्मालाई कोरोना संक्रमण भएपछि अस्पतालमा नै टिका लगाएको दृश्य तथा उपचारको क्रममा सिसा बाहिरबाट श्रीमती हेरेर रुनु पर्दाको दृश्यहरु कारुणिक रहेका छन् ।

भिडियोको निर्देशन चलचित्र निर्माता तथा निर्देशक सन्तोष सेनले गरेका छन् । सन्तोष भन्छन्, ‘म्यूजिकल लभ स्टोरीमा दुई डाक्टरको लभलाईफलाई देखाउन खोजेको छु । यो गीत कोरोना महामारी बीचमा फ्रन्टलाईनमा रहेर काम गर्ने सबैलाई सम्मान स्वरुप समर्पण गरेका हौँ । गीतमा नागरिकको सेवा गर्दै गर्दा कोभिड-१९ को संक्रमण भएपश्चातको कथा देख्न सकिन्छ ।’

बिरामीको उपचारमै रहँदा कोरोना संक्रमण भएका डाक्टरलाई समाजले गरेको दुर्व्यवहार सम्झँदै निर्देशक सेन भन्छन्, ‘जीवनमा सबैभन्दा नजिक भएको मान्छे चाड पर्वको समयमा कोभिड-१९ बाट संक्रमण हुँदा कसैको मनमा के बितेको होला ! त्यहिँमाथी कोरोना संक्रमणपछि समाजले छिछि दुर दुर गर्ने, हेला भावले हेर्ने गरेको पाईयो । आफ्नो ज्यानको बाजी राखेर उहाँहरुले नै फ्रन्टलाईनमा बसेर बिरामीको उपचार गरिरहनु भएको हुन्छ । उहाँहरुले कोरोना संक्रमित भनेर कसैको अपहेलना गर्नुभएको छैन । उहाँहरुको कामलाई सम्मानस्वरुप यो गीत ल्याएका हौँ ।’

अभिनेता मनिष राउतले फ्रन्टलाईनमा काम गर्नेहरुको ‘डेडिकेशन’लाई सांगीतिक रुपमा देखाउन खोजेको बताए । ‘आँशुसेन फिल्मससँग म एकदमै नजिक छु, जसको कारण पनि म यो भिडियोमा जोडिने अवसर पाएको हुँ । आत्मैबाट राम्रो बनाउने कोशिस गरेका छौँ । यो भिडियोले फ्रन्टलाईनमा काम गर्नेहरुको ‘डेडिकेशन’लाई सम्मान गर्छ ।’

आँशुसेन फिल्मसको प्रस्तुतीमा बनेको गीतका निर्माता प्रितम बिष्ट हुन् । पुरुषोत्तम प्रधानको डिओपी रहेको छ भने भुपेन्द्र अधिकारीको सम्पादन तथा रेनिश फागोको कलर ग्रेडिंग रहेको छ ।

Related News

सम्बन्धित समाचार

    • आरतीको ‘लुकी लुकी मायाले’ सार्वजनिक

      Avatar आदर्श समाज सम्वाददाता फागुन १२, २०७७
      पोखरा । लोकदोहोरी गायिका आरती अधिकारीको ‘लुकी लुकी मायाले’ बोलको गीत सार्वजनिक भएको छ । कृष्ण पौडेलको लय र शब्दमा रहेको…
    • सजनाको ‘याद’ सार्वजनिक

      Avatar आदर्श समाज सम्वाददाता फागुन २, २०७७
      पोखरा । गायिका सजना बास्तोलाको ‘याद’ गीतको म्युजिक भिडियो सार्वजनिक गरिएको छ । पोखरामा आइतबार आयोजित कार्यक्रममा गायक कर्ण दासले…
    • सुमन र जेबिकाले जिते गोल्डेन आइडल उपाधि

      Avatar आदर्श समाज सम्वाददाता माघ २६, २०७७
      पोखरा । ललितपुरका सुमन लामा घिसिङ र दाङकी जेबिका रेउलेले सातौं संस्करणको नेपाल गोल्डेन आइडलको उपाधि चुमेका छन् । पोखरामा…
    • विनोद गौचनका गीतकाे म्युजिक भिडियो सार्वजनिक

      Avatar आदर्श समाज सम्वाददाता माघ २५, २०७७
      पोखरा केशव सुवेदीको स्वर र सुमन श्रापितको संगीतमा रहेको विनोद गौचनको रचना अमृत भनी पिएको म्यूजिक भिडियो शनिवार सार्वजनिक गरिएको…
    • घान्द्रुकमा ‘शिरसुबा’ प्रदर्शन

      Avatar आदर्श समाज सम्वाददाता माघ १४, २०७७
      हेमजा । ब्रेज मेश्रो फिल्म प्रोडक्शनले निर्माण गरेको गुरुङ भाषाको चलचित्र ‘शिरसुबा’ घान्द्रुकमा प्रदर्शन गरिएको छ । चलचित्र गुरुङ समुदायको संस्कार–संस्कृतिमा…

    hero news full width

    sanil ads

    wordlink ads