दमौली । व्यास–१० स्थित ऐतिहासिक परेवा डाँडामा परेवाको एक जोडी मूर्ति निर्माण कार्यलाई शुरु गरिएको छ ।
परेवाडाँडाको पहरोमा परेवाहरु बस्ने गरेको र पछिल्लो समय गुलेली र बम हान्ने जस्ता कार्यले विस्थापित भएपछि त्यसको संरक्षण गर्न लागेको हो । उक्त वडाभित्रका दुम्सीचौर, कुमालटारी र पाथ्राघाटस्थल ऐतिहासिक दृष्टिले महत्वपूर्ण रहेकोले त्यसको संरक्षण गरी आन्तरिक एवं बाह्य पर्यटकहरु भित्र्याउने लक्ष्य राखिएको वडाध्यक्ष तुलसीराम सापकोटाले जानकारी दिए । जुन स्थानमा जे चिजको प्रख्यात थियो, त्यसैलाई जीवन्तता दिने गरी कार्य थालिएको हो । उनले भने, ‘ऐतिहासिक स्थलहरुको नाम नमेटिने गरी पहिलो चरणमा परेवाको जोडी बनाउन शुरु गरिएको छ । मूर्तिकार ल्याएर उक्त स्थानमा एक परेवा जोडी बनाउन शुरु गरिएको र जोडीको मूर्ति निर्माणमा करिब ६ लाख खर्च हुने अनुमान गरिएको उनले बताए । उक्त परेवाको ७ फिट लामो र करिब ३ देखि ४ टनसम्मको तौलको निर्माण गरिएको छ ।
वडाबाटै सम्बोधन गर्ने गरी ऐतिहासिक ठाउँहरुको संरक्षणको लागि बजेट बिनियोजन नगरिएपनि बैठकबाट निर्णय गरिएको हो । उनले भने, ‘हाल एक वटा परेवाको मूर्ति निर्माण गर्ने कार्य सकिए पनि रंगरोगन गर्ने काम बाँकी रहेको छ ।’
वडामा रहेको ऐतिहासिकस्थलरुपमा दुम्सीचौरमा दुम्सी चरिरहेको, कुमालटारीमा कुमाल जातिले आरी, हुक्का या घैँटो बनाइरहेको, पाथ्राघाटमा माझीले डुङ्गा चलाएको बनाउने गरी निर्णय गरिएको वडाध्यक्ष सापकोटाले जानकारी दिए ।
यो वर्ष परेवाडाँडामा परेवा जोडी र दुम्सीचौरमा दुम्सी चरिरहेको निर्माण गर्ने योजनाका साथ काम अघि बढाइएको छ । परेवाडाँडामा सडकको मापदण्ड कटाएर परेवाको मूर्ति निर्माण गरिएको उनले बताए ।
बोटे, कुमाल र दरै जातिको बाहुल्यता रहेको छ । विस्थापित हुँदै गएको ऐतिहासिक स्थलहरुको संरक्षण गरी भावी सन्ततीहरुलाई यी स्थानबारे पहिचान गराउन सहज बनाउने लक्ष्य रहेको सो वडा कार्यालयले जनाएको छ ।
वडाभित्र रहेका यस्ता ऐतिहासिक,धार्मिक र सांस्कृतिक क्षेत्रहरुको पहिचान गरी संरक्षण गर्न व्यास नगरपालिका कार्यालयले प्राथमिकतामा राखेर काम गर्दै आएको नगर प्रमुख बैकुण्ठ न्यौपानेले बताए ।
नगरपालिकाभित्रका यस्ता सम्पदाहरुको संरक्षण एवं सम्बद्र्धन गर्न सकिए आन्तरिक एवं बाह्य पर्यटकहरुको आगमनमा वृद्धि गर्न सकिने विश्वास गरिएको उनले जानकारी दिए ।
Related News
सम्बन्धित समाचार
बाराही जंगल लजले गर्यो निकुञ्ज क्षेत्रमा सरसफाई, ३ ट्याक्टर फोहर संकलन
मुख्यमन्त्री अधिकारीले रोजे पुरानै मन्त्री
सहारा क्लब पोखरालाई वर्ष उत्कृष्ट क्लबको अवार्ड
पोखरा चाइल्ड स्टार उपाधि
महेन्द्रपुल युथ क्लब आयोजनामा बास्केटबल प्रतियोगिता हुने
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१