पोखरा, २९ असार । आदिकवि भानुभक्त आचार्यको २०७ औ जन्म जयन्ती सोमबार पोखरामा विभिन्न कार्यक्रमका साथ मनाइएको छ ।
भानु बाङमय प्रतिष्ठानले पोखरा–११ फूलवारी स्थित आदिकविको पूर्णकदको प्रतिमामा माल्यार्पण गरी उनका साहित्यिक रचना बाचन गर्दै जयन्ती मनायो । कार्यक्रममा प्रमुख अतिथि गण्डकी प्रदेश सभा सदस्य मीना गुरुङले साहित्यले मानिसको चेतना र सामाजिक भावनाको विकास गर्ने हुँदा घरघरमा साहित्य अध्ययन गर्ने वातावरण बनाउनु पर्नेमा जोड दिइन् ।
पोखरा–११ का वडाध्यक्ष मोहन वास्तोलाले वडामा निर्मित भानुको पूर्णकदको प्रतिमा पोखराकै गौरव भएको बताए । पूर्व वडाध्यक्ष निर्मल कर्माचार्यले साहित्यकारहरु चेतनाको वाहक भएको बताउदै प्रतिमा स्थल निर्माणको लागि आफ्नै कार्यकालमा काम सुरुवात भएको स्मरण गरे ।
अध्यक्षको आशनबाट प्रतिष्ठानका अध्यक्ष सरुभक्तले यो क्षेत्र साहित्यिक तीर्थ स्थल बनोस् भनेर नै भानु प्रतिमा निर्माण गरिएको बताए । त्यस अवसरमा लोक गायक पद्मराज ढकालले भानुभक्तको रामायण वाचन गरेका थिए । भानुमार्ग क आमा समूहकी अध्यक्ष मीठूदेवी गुरुङको स्वागत मन्तब्य रहेको सो कार्यक्रमको संचालन प्रतिष्ठानका सचिव अम्विकाप्रसाद भट्टराईले गरेका थिए ।
खनाल पुरस्कृत
भानु बाङमय पुरस्कार २०७६ बाट स्याङ्जा वालिङका बसन्त खनाल सम्मानित भएका छन् । समाजसेवी गणेशबहादुर भट्टराईबाट स्थापित तथा भानु बाङमय प्रतिष्ठान पोखराद्वारा संचालित उक्त पुरस्कारको राशी १० हजार रुपैयाँ र सम्मान पत्र रहेको छ । पृथ्वीनारायण क्याम्पस पोखराबाट स्नातकोत्तर नेपाली तर्फ सर्व प्रथम हुने विद्यार्थीलाई सो पुरस्कार प्रदान गरिदै आएको छ । २०७ औं भानु जयन्ती कार्यक्रमबीच उक्त पुरस्कार प्रदान गरिएको हो ।
Related News
सम्बन्धित समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१