पोखरा, १५ जेठ । मुनाल बचत तथा ऋण सहकारी संस्था लिमिटेडले आफ्ना सबै कर्मचारीहरुको कोरोना बीमा गरेको छ । नेपालमा कोरोना जोखिम बढिरहेको अवस्थामा कर्मचारीहरुको स्वास्थ्य सुरक्षामा ध्यान राख्दै यस्तो बीमा गरिएको हो ।

कोरोना भाइरस (कोभिड–१९) बाट हुनसक्ने संभावित जोखिमलाई मध्यनजर गर्दै प्रति कर्मचारी रु.१ लाख वरावरको कोरोना बीमा गरिएको मुनाल सहकारी संस्थाका अध्यक्ष दुर्गाप्रसाद हुमागाईले बताए ।

मुनाल बचत तथा ऋण सहकारी संस्था लिमिटेड र अजोड इन्स्योरेन्स लिमिटेड पोखरा शाखाबीच भएको कोराना बीमा सम्झौता अनुसार सहकारीमा कार्यरत कुनैपनि कर्मचारीहरुको कोरोना भाइरस परीक्षण गर्दा पीसीआर टेष्ट पोजेटिभ देखिएमा बीमा कम्पनीले सम्झौता बमोजिमको रकम तत्काल उपलब्ध गराउने र यो बीमाको अवधि एक वर्षको हुने सहकारीका प्रवन्धक अम्बर थापाले बताए ।