पोखरा । कोरोना कारण लकडाउन मारमा परेका मजदुरको पीडामा आधारित लघु चलचित्र ‘बसाइँ’ सार्वजनिक भएको छ । यसअघिको लघु चलचित्र ‘राहत’ को सिक्वेलको रुपमा निर्मित सो फिल्म युट्यवमार्फत सार्वजनिक गरिएको हो ।

नेत्र इन्टरटेनमेन्ट व्यानरमा निर्मित फिल्म नेत्र इन्टरटेनमेन्टनामक युट्युब च्यानलमा हेर्न सकिन्छ । फिल्म नेत्र गुरुङले निर्देशन गरेका हुन् ।
जसमा विभु भुसाल, रेम रसाइली, अनिशा श्रेष्ठ, गीता पराजुली, अस्मिता पराजुली, विजयराज अधिकारी, मिलन अधिकारी लगायतले जीवन्त अभिनय गरेका छन् । बसाइँको कथा भरत छन्त्यालले लेखेका हुन् । उनी सहनिर्देशक हुन् ।

चलचित्रलाई प्रकाश गुरुङ ‘काश’ ले छायांकन गरेका हुन् । फिल्मको सम्पादक पनि स्वयम नेत्र नै हुन् ।

यसअघि सार्वजनिक ‘राहत’ छोटो भएको गुनासो दर्शकबाट आएपछि बसाइँ निर्माण गर्ने हौसला मिलेको फिल्मका सम्पादकसमेत रहेका निर्देशक नेत्र गुरुङले जानकारी दिए ।