पोखरा, २३ वैशाख । तमु प्ये ल्हु संघले गण्डकी प्रदेश सरकारद्वारा संचालित कोरोना भाइरस रोग नियन्त्रण तथा उपचार कोषमा रकम जम्मा गरेको छ । संघले सामाजिक उत्तरदायित्व अनुसार मंगलवार कोषमा एक लाख ३५ हजार रुपैयाँ जम्मा गरेको हो ।

तमु प्ये ल्हु संघका केन्द्रीय अध्यक्ष हितकाजी टु तमु, महासचिव हर्कबहादुर योज तमु, कोषाध्यक्ष ओमबहादुर थिम्जें तमु लगायतका ६ जना व्यक्तिहरुले प्रदेशका मुख्यमन्त्री पृथ्वीसुब्बा गुरुङलाई सो रकम बराबरको चेक हस्तान्तरण गरेका हुन् ।

यसैगरी तमु प्ये ल्हु संघले पोखरा महानगरपालिकाको राहात कोषमा पनि रकम जम्मा गरेको छ । संघका अध्यक्ष हितकाजी टु तमुको टोलीले पोखरा महानगरपालिकाको राहात कोषमा ७५ हजार रुपैयाँ बराबरको चेक मेयर मानबहादुर जिसीलाई हस्तान्तरण गरेको हो ।