लमजुङ । बेसीशहर–१, फलिया साँघुमा सञ्चालन गरिएका त्रिवेणी रोडा ढुंगा एण्ड बल्क उद्योग र सोही वडाको आकाशेभीरसँगै सञ्चालित लमजुङ क्रसर एण्ड कन्ट्रक्सन बन्द गरिएका छन् । मापदण्डविपरीत सञ्चालन गरिएको तथा केही वर्षदेखि नवीकरण समेत नगरेका पाइएपछि बेसीशहर नगरपालिकाले ती क्रसर उद्योग बन्द गरेको हो ।
कार्यालयले गत मंसिर अन्तिम साता क्रसर उद्योग बन्द गर्न पत्र पठाएकोमा सञ्चालक लागि नगरपालिकाले कार्यपालिकाको बैठक राखेर चालु आवको आउँदो असार मसान्तसम्म सञ्चालनको अनुमति दिएपछि मापदण्ड र नवीकरणबिनाका उद्योग सञ्चालनका लागि स्थानीय तहले अनुमति दिएकोबारे सञ्चारमाध्यममा समाचार आएपछि नगरपालिकाले प्रहरीमार्फत पत्र पठाई दुवै उद्योग बन्द गराएको हो ।
कार्यालयका प्रवक्ता सहायक प्रमुख जिल्ला अधिकारी काजीमान सुनारले ती उद्योग घरेलु तथा साना उद्योग विकास समितिका दर्ता गरिए पनि पछिल्ला वर्षमा नवीकरण नै नगरी सञ्चालन गरेको पाइएको बताए । उद्योग सञ्चालक क्रमशः दीपेश श्रेष्ठ र निर्मलजंग घले हुन् । श्रेष्ठ सञ्चालक रहेको त्रिवेणी २०६२ असार ३ मा दर्ता गरी २०७३ सालसम्म नवीकरण गरेकोमा पछि नवीकरण नगराएको पाइएको जिल्ला प्रशासन कार्यालयले जनाएको छ । सो उद्योगको सञ्चालन पुँजी ३२ लाख २४ हजार रुपैयाँ छ ।
त्यस्तै, निर्मलजंग सञ्चालक रहेको लमजुङ क्रसर एण्ड कन्ट्रक्सन २०६८ साल फागुन २१ मा दर्ता भएकोमा हालसम्म नवीकरण गरेको छैन । उद्योगको सञ्चालन पुँजी १ करोड ९२ लाख रुपैयाँ छ । नगरपालिकाका मेयर गुमानसिंह अर्यालले राष्ट्रिय इस्यु बनाउन थालिएपछि पत्र पठाएर बन्द गराएको जानकारी दिए । उनले भने, ‘पुरानो ऐन आडमा गरिएको काम जनहित अनुकूल छैन । हामीले त स्थानीय र विकासलाई ध्यानमा राखेर सञ्चालन अनुमति दिएका थियौं । अब बन्दै गरेका घरको लगत दोब्बर हुन्छ, विकासका काम पनि आधा रोकिन्छन् ।’
लमजुङ क्रसर एण्ड कन्ट्रक्सन उद्योग सञ्चालक निर्मलजंग घलेले ‘बन्द गर’ भनेपछि बन्द गरेको बताए । गृहमन्त्रालय र अख्तियारले मुलुकभरलाई हेर्नुपर्छ कि हाम्रोजस्तो सानो जिल्लाको सानो काममात्र देख्ने हो ? घलेको प्रश्न छ ।
Related News
सम्बन्धित समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१