पोखरा, २ चैत । चैतको ६ गते फागु पूर्णिमाको दिन कास्कीको पर्यटकीय गाउँ घान्द्रुकमा खुल्ला घोडा दौड प्रतियोगिता हुने भएको छ ।
पहाडी क्षेत्रमा घोडा दौडमार्फत पर्यटन प्रवद्र्वन गर्ने उद्देश्यले घान्द्रुकमा आयोजना गर्न लागिएको खुल्ला घोडा दौड प्रतियोगिताको तयारी पूरा भएको जनाइएको छ ।
घोडा–खच्चड व्यवस्थापन तथा कल्याणकारी समितिले फागुपूर्णिमाको अवसरमा आयोजना गरेको दोस्रो घोडा दौड प्रतियोगिताको सवै तयारी पूरा भएको पोखरामा आयोजित पत्रकार सम्मेलनमा जानकारी दिएको छ ।
साहसिक खेलको रुपमा चर्चित घोडा दौड प्रतियोगिताले स्वदेशी तथा विदेशी पर्यटकको मन जितेर पर्यटनको विकासमा टेवा पुग्ने आयोजकको विश्वास छ । ‘घोडा दौड प्रतियोगिताले पर्यटकीय देश नेपालको पहाडी र हिमाली क्षेत्रलाई साहसिक खेल घोडा दौडको लागि उपयुक्त छ भनेर अन्तराष्ट्रिय जगतमा चिनाउने हाम्रो विश्वास छ,’ आयोजक समितिका अध्यक्ष यमवहादुर गुरुङले पत्रकार सम्मेलनमा बताए ।
गुरुङले भने, ‘पहिलो प्रतियोगितामा जम्मा १८ जना सहभागि भएकोमा यसपालि भने झण्डै तीन गुणा वढि ५० जनाले सहभागिता जनाउने छन् । प्रतियोगितामा स्वदेशी, स्थानीय र विदेशी घोडा राईडरहरुले भाग लिने छन् । उनीहरुको रोमाञ्चक कला, कौशलले दर्शकहरुको समेत मन जित्ने अपेक्षा गरिएको छ ।’
प्रतियोगिताका विजेतालाई ५० हजार, उपविजेतालाई ३० हजार, तेस्रोलाई २० हजार रुपयाँसहित शिल्ड तथा प्रमाणपत्र प्रदान गरिनेछ । सहभागी सवैलाई प्रमाणपत्र प्रदान गरिने आयोजक प्रचार प्रसार समितिका संयोजक अमृत गुरुङले जानकारी दिए ।
प्रतियोगितामा सहभागि हुन चाहनेले आगामी ५ गतेभित्र नाम दर्ता गराउन आयोजकले आग्रह गरेको छ । प्रति सहभागी दर्ता शुल्क ३ हजार रुपैयाँ तोकिएको आयोजकले जनाएको छ ।
प्रतियोगिता सम्पन्न गर्न करिव ७ लाख ५० हजार रुपयाँ लाग्ने आयोजकको अनुमान छ ।
Related News
सम्बन्धित समाचार
भलिबलमा अटल हिमाल
इन्द्रालाई लाइफटाइम अचिभमेन्ट अवार्ड
पोखरा ७ स्तरीय वृहत दौड प्रतियोगिता
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
hero news full width
मुख्य समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१