पोखरा । सफल पोखरा अन्तर्राष्ट्रिय म्याराथनको १८ औं संस्करण अन्तर्गत शनिबार अपांगता तर्फका दौड भएका छन् । प्रतियोगिता अन्तर्गत सम्पन्न ह्विलचेयर पुरुषतर्फको १८ सय मिटर दौडमा सुरेशकुमार गौली पहिलो भए । गौलीले ७ मिनेट ४१.३ सेकेन्डमा निर्धारित दुरी पार गरे । यस्तै दोस्रो भएका भरत अधिकारीले ७ मिनट ५७.३ सेकेन्डमा दौड पूरा गर्दा तेस्रो स्थान प्राप्त गरेका ध्रुव परियारले ८ मिनेट २४.५ सेकेन्डमा पार गरे ।
नेपाल भूतपूर्व खेलाडी मञ्चको आयोजनामा भएको प्रतियोगितामा महिलातर्फको ह्विलचेयर दौड काठमाडांैकी ऐश्वर्यकुमारी कुमालले जितेकी छन् । उनले १ हजार मिटरको दौड ४ मिनेट ९.८ सकेन्डमा पार गरिन् । यसैगरी काठमाडांैकै पेमा छोक्पा गुरुङ ४ मिनेट ५२.१ मिनेटमा दौड पूरा गरी दोस्रो भइन् पोखराकी अञ्जु बराल ६ मिनेट ४४.५ सेकेन्डमा दुरी पार गरी तेस्रो भइन् ।
पुरुष सय मिटर दृष्टिविहीन दौडमा आशिक खड्गी प्रथम भए । वीरेन्द्र लामिछाने दोस्रो हुँदा टुल्का डाँगी तेस्रो भए । प्रमोद दाहाल र सुशील गोदारले सान्त्वना पाए ।
महिला सय मिटर दृष्टिविहीन दौडमा विनीता पुन पहिलो हुँदा सिर्जना परियार दोस्रो भइन् । माया गौतम तेस्रो, पुर्णिमा गुरुङ चौथो र मोनिका थापा पाँचांै भए ।
विजेता ह्विलचेयर र दृष्टिविहीन महिला तथा पुरुषतर्फ पहिलो, दोस्रो र तेस्रो हुने खेलाडीले क्रमश जनही नगद १० हजार, ७ हजार र ५ हजार प्राप्त गरे । दृष्टिविहीन पहिलो, दोस्रो तथा तेस्रो र सान्त्वना भएका दृष्टिविहीन महिला÷पुरुष खेलाडीहरुलाई सेतो छडी प्रदान गरिएको थियो । ह्विल चेयरतर्फ पहिलो दोस्रो र तेस्रो भएका महिला र पुरुष खेलाडीहरुलाई रोटरी क्लब ३२९२ को तर्फबाट एक–एक थान ह्विलचेयर प्रदान गरिएको छ ।
प्रतियोगितामा विजेता खेलाडीहरुलाई पश्चिम पृतनाका पृतनापति उपरथि सन्तोषबल्लभ पौडेल, प्रतियोगिताका प्रायोजक दुर्गा गुरुङ (युके), मेजर लक्ष्मीप्रसाद गुरुङ, पूर्व राष्ट्रिय फुटबल खेलाडी स्वर्गीय गंगा गुरुङका छोरा मनोज गुरुङ, रोटरी क्लबका एजी पुरन कुँवर, डायमन्ड वुद्धिस्ट युकेका अध्यक्ष योगेश गुरुङ, सिबिआरएसका कार्यालय व्यवस्थापक कृष्ण लामिछाने, मञ्चका संस्थापक अध्यक्ष खड्गबहादुर रानाभाटलगायतले मेडल, नगद, प्रमाणपत्र तथा सेतो छडी प्रदान गरेका थिए । कार्यक्रम मञ्चका अध्यक्ष हरिप्रसाद पराजुलीको अध्यक्षतामा सम्पन्न भएको थियो ।
Related News
सम्बन्धित समाचार
राष्ट्रिय माविको छात्र/छात्रा सडक दौडमा ४४ विद्यालय सहभागी
महेन्द्रपुल यु–२३ बास्केटबल सुरु
अर्जुन र सुस्मिता बने वर्ष खेलाडी
स्केटिङ तथा स्केटबोर्डिङ संघमा राजकुमार
कसको हातमा पर्ला वर्ष खेलाडीको उपाधि ?
hero news full width
मुख्य समाचार
दीर्घकालीन असर गर्ने निर्णय नगर्न अधिकारी सरकारका नाममा अन्तरिम आदेश- हेर्नुहोस् आदेश
साना योजना सिधै प्रदेश र स्थानीय सरकारलाई हस्तान्तरणः प्रधानमन्त्री
वैशाख २८, २०८१मुस्ताङको लोमान्थाङमा वैकल्पिक सडक निर्माण
वैशाख २८, २०८१सूर्यदर्शन सहकारीको अनुसन्धान प्रतिवेदन बुझाइयो
वैशाख २७, २०८१पूर्वन्यायाधीशको निधनपछि गण्डकी सरकार विरुद्धको रिटसहित सर्वोच्चका सबै सुनुवाइ स्थगित
वैशाख २७, २०८१आगलागीले सुन्तलाको बगैंचा सखाप
वैशाख २७, २०८१