पोखरा । पोखरा ८ नागढुंगाका अभिनाश अधिकारी साधारण मानिसजस्तो देखिए पनि राम्रोसँग हिँडडुल गर्न सक्दैनन् । तर, खुट्टा खुम्च्याउँदै यताउता गर्न भने उनलाई कुनै समस्या छैन । जन्मिएको केही महिनादेखि नै उनको खुट्टामा समस्या देखिएको थियो । अहिले उनी २० वर्ष लागे । हँसिलो अनुहार, मिलनसार व्यवहार अनि अथक मेहनत उनको परिचय हो ।
निकै मेहनती उनी नयाँ नयाँ खोजमा रुचि राख्छन् । त्यही कारण उनी २० वर्षको उमेरमै आफूलाई आविष्कारकको परिचय थप्न सक्षम बने । उनले गुराँस सिएनसी मेसिन बनाएका छन् । पोखरा विश्वविद्यालयबाट सिभिल इन्जिनियरिङ पढ्दै गरेका उनले मेसिनबाट काठमा बुट्टा भर्न र शिलालेख तयार गर्न सकिने मेसिन आविष्कार गरेका हुन् ।
इन्जिनियरिङ पढे पनि मेसिन आविष्कार गर्ने प्रेरणा आफ्नै बुा शिवबहादुर अधिकारी भएको बताउँछन् । ‘मेरो आफ्नै घरमा गुराँस आर्टस् थियो । सानैदेखि बाबाले काम गरेको देखिरहन्थँे,’ उनले भने, ‘बाबाले सिएमसी मेसिन चलाउनुहुन्थ्यो । त्यो बिग्रेपछि इन्डियाबाट बनाउने मान्छे आएर हजारौं रुपैयाँ लिएर जान्थे । अनि यही बनाउन पाए पैसा बच्थ्यो भनेर यो बनाउने सोच पलायो ।’ ४ कक्षा पढ्दादेखि नै डिजाइन गर्न थालेकाले यस काममा पहिलेबाटै भिजेको उनले सुनाए ।
घरमा भएको मेसिन बिग्रँदा बनाउन आउने प्राविधिकले काम गर्दा हेरेर त्यहाँ प्रयोग हुने सामानबारे जानकारी लिएपछि झनै सहज भएको उनले सुनाए । विद्यालय पढ्दादेखि नै इन्जिनियरिङमा आफ्नो रुचि भएकाले पनि उनमा केही नयाँ गर्ने सोच पलायो । सोहीअनुसार अघिल्लो वर्षमा सानो खालको सिएमसी मेसिन बनाएको बताए । ‘अघिल्लो वर्ष सानो खालको यही मेसिन बनाइयो । अनि त्यसपछि यत्तिकै बस्न मन भएन,’ उनले भने, ‘त्योभन्दा ठूलो पनि बनाउन सकिन्छ भनेर सुरु गरेँ ।’
काम सुरु गरेको १ महिनामै मेसिन तयार गर्न सकेको उनको भनाइ छ । आफू अशक्त भएकै कारण गोरख निखिल इन्जिनियरियङका प्राविधिहरुले सहयोग गरेको अधिकारीले जानकारी दिए । ‘मैले काम सुरु गरेको १ महिनामा बनाएर सकेको हुँ । यसका लागि आवश्यक सामान मेड इन चाईना र अलिबाबा डटकमबाट मगाएँ,’ उनले भने, ‘यसबाट काठमा थ्रीडी, टुडी बुट्टा, थ्रीडी टुडी साइनबोर्ड, शिलालेख र मायाको चिनो बनाउन सकिन्छ ।’
अन्तर्राष्ट्रिय बजारमा १२–१४ लाख पर्छ । आगमी दिनमा मेसिन ४ लाखसम्ममा बनाउने अभिनाशको योजना
मेसिनको पोखरा महानगरपालिकाका मेयर धनराज आचार्यले औपचारिक उद्घाटन गरे । मेसिन अनावरणसँगै काठबाट बन्ने मायाको चिनोका लागि परनिर्भर हुनुपर्ने अवस्था नआउने उनको भनाइ छ । ‘मायाको चिनो खरिदमा मात्रै नेपालबाट करौडौं रुपैयाँ बाहिर जान्छ । अरुप्रति हामी कति आश्रित हुने ? स्थानीय स्रोत साधनलाई प्रयोग गरेर हामीले पनि त मेसिन निर्माण गर्न सक्छौं भन्ने लाग्यो । फलस्वरुप उक्त मेसिन निर्माण गरे । मैले आफूले पढेको विषयलाई व्यवहारमा उतार्ने प्रयास गरेको हुँ ।’, अभिनाशले भने ।
मेसिन निर्माणलाई उनले निरन्तरता दिने बताए । ‘एउटा मेसिन निर्माण गरेर मात्र बस्दिनँ । यसको बजारीकरणमा सबैले साथ दिए अन्य मेसिनहरु पनि निर्माण गर्दै जानेछु । आशा छ सबैको सहयोग मिल्नेछ,’ उनले भने । करिब ६ लाखको लागतमा बनेको मेसिन ४ लाखसम्ममा बनाउने उनको योजना छ । यसको अन्तर्राष्ट्रिय बजारमूल्य १२ देखि १४ लाख पर्ने उनले सुनाए ।
मेसिनको अनावरण गर्दै पोखराका मेयर धनराज आचार्यले अभिनाशले आफूले पढेको विषयलाई व्यवहारमा उतार्न गरेको प्रयास प्रशंसनीय रहेको उल्लेख गरे । महानगरले सभागृहमा बिजनेस प्रोमोसन सेन्टर स्थापना गरेको र नयाँ व्यवसायीलाई प्रोत्साहन गर्दै आएको जानकारी दिए । अभिनाशले निर्माण गरेको मेसिनलाई बजारीकरण गर्न महानगरपालिकाले सहज वातावरण मिलाउने मेयर आचार्यले आश्वासन दिए ।
पोखरा उद्योग वाणिज्य संघका वरिष्ठ उपाध्यक्ष गोकर्ण कार्कीले अभिनाश जस्ता प्रतिभालाई पोखराले संरक्षण गर्नुपर्नेमा जोड दिए । गुराँस आर्टस्का निर्देशक अभिनाशका बुबा शिवबहादुर अधिकारीले आफूले १८ वर्ष पहिले भारतबाट मेसिन मगाएर काम थालेको र अहिले छोराले मेसिन बनाएर सार्वजनिक गर्न पाउँदा खुसी लागेको उल्लेख गरे ।
Related News
सम्बन्धित समाचार
मुख्यमन्त्री अधिकारीले रोजे पुरानै मन्त्री
सहारा क्लब पोखरालाई वर्ष उत्कृष्ट क्लबको अवार्ड
महेन्द्रपुल युथ क्लब आयोजनामा बास्केटबल प्रतियोगिता हुने
बड्स एकेडेमीमा सदन विभाजन
स्मृति ग्रन्थमा सर्जक बुद्धि परियार
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१