पोखरा । नवौं राष्ट्रिय खेलकुदअन्तर्गत भारत्तोलनमा विभागीय टिम हावी हुँदा सुदूरपश्चिम प्रदेशले पहिलो स्वर्ण जितेको छ ।
दोस्रो दिन सोमबार पुरुष ७३ केजी तौल समूहमा सुदूरपश्चिमका हेमन्त पालले स्वर्ण जितेका छन् । उनले स्न्याचमा ९० र क्लीन एण्ड जर्कमा १०७ गरी कुल १९७ केजी भार बहन गर्दै सुदूरलाई भारत्तोलनमा पहिलो स्वर्ण दिलाएका हुन् । यस्तै, नेपाल पुलिसका अशोककुमार शाहले रजत र एपिएफका राहुलकुमार दासले कास्य जिते । अशोकले कुल १८९ र राहुलले १८८ केजी भार बहन गरेको रेफ्री संजय महर्जनले जानकारी दिए ।
दोस्रो दिनसम्म ८ खेल सकिंदा नेपाल पुलिसले ४ र नेपाल आर्मीले ३ स्वर्ण हात पारेका छन् ।
२० स्वर्णसहित ६० पदकका लागि १७२ खेलाडीको प्रतिस्पर्धा
एनआरएनबाहेक १० टिमले भाग लिएको प्रतियोगितामा २० स्वर्णसहित कुल ६० पदका लागि खेल हुँदैछ ।
सोमबार महिला ५५ केजी तौल समूहतर्फ पुलिसकी टीकामाया गुरुङले स्वर्ण जितिन् । उनले स्न्याचमा ६० र क्लीन एण्ड जर्कमा ८० गरी कुल १४० केजी भार बहन गर्दै स्वर्ण जित्न सफल भएकी हुन् । आर्मीकी प्रभा थारुले रजत र लुम्बिनी प्रदेशकी कृष्णकला बिष्टले कास्य जितिन् ।
महिला ५९ केजी तौल समूहमा आर्मीकी कमला श्रेष्ठले स्वर्ण जितिन् । उनले स्न्याचतर्फ ६८ र क्लीन एण्ड जर्कमा ८५ गरी कुल १५३ तौल भार बहन गरेकी थिइन् । नेपाल पुलिसकी देवीकुमारी चौधरीले रजत र आर्मीकै अस्मिता पुलामी मगरले कास्य जितिन् । पुरुष ६७ केजी तौल समूहमा आर्मीका कमलबहादुर अधिकारीले स्न्याचमा ९५ र क्लीन एण्ड जर्कमा १३० गरी कुल २२५ केजी भार बहन गरी आर्मीलाई तेस्रो स्वर्ण दिलाए । आर्मीकै मुक्तिराम घले रजत र सुदूरपश्चिमका अशोकसिंह भण्डारीले कास्य जिते । पहिलो दिन पुरुष ६१ केजी तौल समूहमा नेपाल पुलिसका मुई लामा, महिला ४९ केजी तौल समूहमा नेपाल पुलिसकी संगीता राई, पुरुष ५५ केजी तौल समूहमा आर्मीका तुलाराम महतो र महिला ४५ केजी तौल समूहमा पुलिसकी हिरामोती थारुले स्वर्ण जितिसकेका छन् । प्रतियोगितामा महिला ७६ र पुरुष ९६ गरी कुल १ सय ७२ जना खेलाडीले भाग लिएको नेपाल भारत्तोलन संघका अध्यक्ष रामकृष्ण श्रेष्ठ ‘बोस’ ले बताए ।
Related News
सम्बन्धित समाचार
महेन्द्रपुल युथ क्लब आयोजनामा बास्केटबल प्रतियोगिता हुने
को होला उत्कृष्ट प्रशिक्षक ?
उत्कृष्ट खेल संघ वा क्लबतर्फको अवार्ड सहारालाई
भलिबलमा अटल हिमाल
इन्द्रालाई लाइफटाइम अचिभमेन्ट अवार्ड
hero news full width
मुख्य समाचार
मुख्यमन्त्री अधिकारीले रोजे पुरानै मन्त्री
ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१