पोखरा । फोटोग्राफर संघ गण्डकीले फोटोग्राफी कार्यशाला पर्वतको फलेबासस्थित डहरे देउराली सामुदायिक होमस्टेमा गरेको छ । २ दिनसम्म चलेको कार्यशालामा गण्डकी प्रदेशका तराईदेखि हिमाल सम्मका, पर्वत, स्याङ्जा, कास्की, तनहुँ, लमजुङ र नवलपुरका ३६ जना फोटोग्राफर तथा फोटोपत्रकार सहभागी थिए ।
आन्तरिक पर्यटन प्रर्वद्र्धनको उद्देश्य लिएर अलगअलग कार्यक्रम प्रदेशका बेग्लाबेग्लै जिल्लामा आयोजनाा गर्ने संस्थाको उद्देश्यअनुरुप यसपटक पर्वतको फलेबास डहरेदेउराली होमस्टे चयन गरिएको संस्थाका सचिव तुलसीराम सुवेदीले बताए ।
कार्यक्रमका सहजकर्ता फोटोग्राफर संघ गण्डकीका प्रदेश सदस्य तथा फोटोपत्रकार घनश्याम पौडेलले फोटोग्राफी इतिहांस तथा आधारभूत फोटोग्राफी सिद्धान्तका बारेमा कार्यपत्र प्रस्तुत गरेका थिए ।
कार्यक्रमको मध्य भागमा ल्यान्डस्केप नेचुरल फोटोग्राफीको व्यावहारिक ज्ञानका लागि डहरेदेउराली शिव मन्दिर तथा देउराली भ्यु प्वाइन्टमा प्रयोगात्मक अभ्यासको कार्यक्रम समेत गरिएको थियो । डहरे देउरालीको पर्यटकीय तथा धार्मिक विकासका लागि संस्थागत रुपमा ४ हजार सहयोग गरेको संस्थाका अध्यक्ष दुर्गाप्रसाद पौडेलले बताए ।
प्राकृतिक रुपले अति नै सुन्दर स्थानका रुपमा डहरेदेउरालीलाई महसुस गरेको र पाखाभरि ढकमक्क लालीगुराँस फुलेको नयाँ अनुभूति जीवनमा पहिलो पटक महसुस गरेको फोटोग्राफर संघ गण्डकीका कोषाध्यक्ष जीवन ढुंगानाले बताए ।
समापन कार्यक्रममा फलेवास नगरपालिकाका प्रमुख पदमपाणि शर्माले आफ्नो नगरपालिकामा आयोजना गरिएका यस किसिमका कार्यक्रमहरुले नगरवासीको मन जित्न सफल भएको बताए । फोटोग्राफी क्षेत्र भनेको समाजको ऐना रहेको बताउँदै उनले हजार शब्दले बताउन नसक्ने कुरा एउटा तस्बिरले बताइदिने हुँदा डहरेदेउरालीजस्ता पर्यटकीय क्षेत्रमा फोटोग्राफी कार्यशाला राख्नु आफैंमा गौरवको विषय भएको उल्लेख गरे ।
फोटोग्राफर संघ गण्डकीले फोटोग्राफी आन्दोलनमा गण्डकी प्रदेशभरिका फोटोग्राफरहरु बीचमा आपसी समझदारी र भातृत्वका लागि अलग्गै पहिचान बनाउन सफल रहेको फोटोग्राफर संघ गण्डकीका अध्यक्ष दुर्गाप्रसाद पौडेलले बताए । कार्यक्रममा पोखरा फोटोग्राफर संघका अध्यक्ष जनकराज तिवारी, तनहुँ फोटोग्राफर संघका अध्यक्ष बलभद्र श्रेष्ठ,लमजुङ फोटोग्राफर संघका अध्यक्ष मिलन शर्मा दनाई, नवलपुर फोटोग्राफर संघका अध्यक्ष किशोर अधिकारीले बोलेका थिए ।
कार्यक्रममा फोटोग्राफी कार्यशालाको औचित्यबारे कार्यक्रम संयोजक तथा संस्थाका उपाध्यक्ष नारायणबहादुर केसीले प्रष्ट्याए । संस्थाका अध्यक्ष दुर्गाप्रसाद पौडेलको अध्यक्षतामा भएको कार्यक्रम संस्थाका सचिव तुलसीराम सुवेदीले सञ्चालन गरेका थिए ।
Related News
सम्बन्धित समाचार
अधिकारी सरकारविरुद्धको मुद्दा हेर्दाहेर्दैमा
कामचलाउ सरकारद्वारा दोस्रो आवधिक योजनाको परिमार्जित आधारपत्र सार्वजनिक
अधिकारी सरकारविरुद्धको रिट न्यायाधीश रेग्मी र पोखरेलको इजलासमा
आदर्श समाजकर्मी विजय नेपाललाई चलचित्र पत्रकारिता पुरस्कार’, फिल्मकर्मी विनोद शेरचनलाई सम्मान
फेवाको मापदण्ड घटाउन सर्वोच्चमा रिट
hero news full width
मुख्य समाचार
कान्तिपुर मिडिया ग्रुपका अध्यक्ष कैलाश सिरोहिया कार्यकक्षबाटै पक्राउ
कालिका बहुमुखी क्याम्पसलाई क्युएए प्रमाणपत्र
जेठ ८, २०८१अधिकारी सरकारको वैधानिकताको टुंगो आज
जेठ ८, २०८१पोखरा विश्वविद्यालय शिक्षण अस्पताल उद्घाटन
जेठ ७, २०८१दमौली आगलागी अपडेट : क्षतिको विवरण संकलन गरिँदै
जेठ ७, २०८१प्रधानमन्त्री प्रचण्डलाई चाैथोपटक विश्वासको मत
जेठ ७, २०८१