पोखरा । राष्ट्रिय जनगणना–२०७८ को पहिलो चरणअन्तर्गत बुधबारदेखि जिल्लामा १ सय ८८ जना सुपरीवेक्षक खटिएका छन् । आगामी असोज १८ सम्म सञ्चालन हुने पहिलो चरणको जनगणनाअन्तर्गत कास्कीका ५ वटै पालिकामा उनीहरु परिचालित भएका हुन् ।
पोखरा महानगरपालिकामा १ सय ५८, अन्नपूर्णमा ९, माछापुच्छ्रेमा ८, मादीमा ७ र रुपा गाउँपालिकामा ६ जनाले पहिलो चरणको गणना गर्नेछन् । यस्तै, कात्तिक २५ देखि मंसिर ९ सम्म हुने दोस्रो चरणका लागि गणक तोकिएको क्षेत्रमा जाने प्रदेश जनगणना अधिकारी जगुलाल बस्यालले जानकारी दिए ।
‘देशैभरिबाट पहिलो चरणको गणना सुरु भएको छ,’ बस्यालले भने, ‘त्यही अनुसार सबै सुपरीवेक्षकलाई तालिम दिएर फिल्डमा खटाएका छौं ।’ फिल्म खटिएका उनीहरुलाई पूर्ण खोप सुनिश्चित गरिएको छ ।
कोरोनाको कारण जनगणना ढिला भएकाले संक्रमणदर कम भएको समयमा प्रक्रिया सुरु गरिएको बस्यालको भनाइ छ । ‘कोभिड १९ को कारण ढिलो भएकै थियो, अहिले पनि पूरै घटेको त छैन,’ उनले भने, ‘तर झनै ढिला हुने भयो भनी सबै सुपरीवेक्षकलाई खोप लगाएर पठाएका छौं ।’ उनीहरुलाई मास्क, सेनिटाइजर लगायत सुरक्षा सामग्री प्रबन्ध गरिएको छ ।
पहिलो चरणमा सुपरीवेक्षकले घरपरिवारमा बसोबास गर्ने सदस्य महिला, पुरुष र यौनिक तथा लैंगिक अल्पसंख्यकको विवरण भर्नेछन् । गणकको कार्यविभाजन र मूल गणनाका लागि पहिलो चरणको काम महत्वपूर्ण हुन्छ । पहिलो चरणमा घर तथा परिवार विवरण, कृषि तथा पशुपक्षी विवरण, बैंक तथा वित्तीय, अनुदान, ऋण, व्यावसायिक तालिको विवरण तयार गरिनेछ ।
जिल्लामा गणक भने छनौट भइसकेका छैनन् । पहिलो चरणको कार्य सकिएपछि गणक छनौट प्रक्रिया अघि बढ्ने बस्यालले बताए । उनीहरुका लागि कात्तिक १३ देखि १६ सम्म तालिम सञ्चालन गरिनेछ । दोस्रो चरणमा गणकमार्फत प्रत्येक घर परिवारमा पुगी प्रश्नावलीमार्फत पारिवारिक विवरण तथा व्यक्तिको जन्म, मृत्यु, बसाइँसराइ लगायत विवरण तयार गरिनेछ । सोही समयमा नै सबै स्थानीय तहका प्रत्येक वडा कार्यालयबाट वडास्तर सामुदायिक प्रश्नावलीमार्फत वडाको आधारभूत स्रोतसाधन, पहुँच, क्षमता, पूर्वाधार र विपद्सम्बन्धी विवरण पनि संकलन गरिने छ ।
यसअघि १६ वैशाखमा सुपरीवेक्षक तालिम सुरु गर्ने, २६ देखि घरपरिवार सूचीकरण गर्ने, १७ जेठबाट गणकलाई तालिम दिने, २५ जेठबाट मूलगणना कार्य थाल्ने कार्यतालिका थियो । तर, कोरोना महामारीका कारण सो कार्यतालिका अनुसारको काम स्थगित गरिएको थियो । यस वर्षको राष्ट्रिय जनगणनाको नारा ‘मेरो गणना मेरो सहभागिता’ तय गरिएको छ । यो वर्ष समावेशीतालाई मध्यनजर गर्दै गणना सुरु गरिएको बस्यालले बताए । ‘यसपालि गणक पनि समावेशी छ,’ बस्यालले भने, ‘सबै मिलाएर सुपरीवेक्षक खटाएका छौं, उहाँहरुले भरेको डाटामा अघिल्ला पटक भएका गणनामा जस्तो नहोला ।’
Related News
सम्बन्धित समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१