पाेखरा । सरकारले शिक्षकलाई आगामी २३ गतेदेखि कोरोना भाइरस विरुद्धको खोप लगाउने भएको छ।
स्वास्थ्य तथा जनसंख्या मन्त्रालयमा शनिबार बसेको सचिव, विशेषज्ञ तथा महाशाखा प्रमुखसहितको बैठकले प्राध्यापक, शिक्षक, विश्वविद्यालय तथा विद्यालयका कर्मचारी र सार्वजनिक सवारीचालक तथा सहचालकलाई २३ गतेदेखि खोप लगाउने निर्णय गरेको हो।
यस्तै ५५ वर्षमाथिका ज्येष्ठ नागरिकलाई पनि सोही दिनदेखि खोप लगाइने निर्णय भएको मन्त्रालयका सहप्रवक्ता समिरकुमार अधिकारीले बताए। सरकारले २३ गतेदेखि दोस्रो चरणको खोपको कार्यक्रम सुरु गर्न लागेको हो।
दर्ता भएका औषधिपसलमा काम गर्ने कर्मचारीलाई भने पहिलो चरणमै खोप दिइने भएको छ।
‘जोखिम तथा अग्रपंक्तिमा रहेका दर्ता भएका औषधिपसलमा कार्यरत र प्रयोगशालामा कार्य गर्ने अन्य कर्मचारी तथा सफाइकर्मीलाई समेत यही चरणमा खोप उपलब्ध गराउने’, निर्णयमा उल्लेख छ।
सरकारले भारतसँग खरिद गरेको १० लाख डोज कोभिसिल्ड खोप आज नेपाल आइपुग्दै छ। यसअघि भारत सरकारले अनुदानमा दिएको १० लाख डोज खोप प्राथमिकताको आधारमा लगाइँदै छ।
मन्त्रालयका अनुसार शनिबारसम्म अग्रपंक्तिमा रहने चिकित्सक, स्वास्थ्यकर्मी, पत्रकार, जनप्रतिनिधिलगायत गरी तीन लाख ८३ हजार ३९८ जनाले कोरोना भाइरसको खोप लगाएका छन्।
देशका २२६ केन्द्रबाट कोरोना विरुद्धको खोप लगाइँदै छ।
Related News
सम्बन्धित समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१