स्याङ्जा, २८ जेठ । स्याङ्जाका ३ जना कोरोना संक्रमित पुरुष कोरोनालाई जितेर बुधबार घर फर्किएका छन् । जिल्ला अस्पताल स्याङ्जाको आइसोलेसनमा बसेका ६ जना मध्ये ३ जनाको पिसिआर परीक्षण गर्दा नेगेटिभ आएपछि घर पठाइएको जिल्ला अस्पताल स्याङ्जाका फोकलपर्सन डा. अञ्जु अर्यालले बताइन् ।
वालिङ नगरपालिकाका २१ वर्षीय पुरुष र गल्याङ नगरपालिकाका २७ र ४० वर्षीय २ पुरुष गरी ३ जनाको रिपोर्ट नेगेटिभ आएपछि घर पठाइएको हो भने अन्य ३ जनालाई आइसोलेसनमा राखेर उपचार भइरहेको फोकलपर्सन डा. अर्यालले बताए ।
स्याङ्जा जिल्लाभित्र पहिलो पटक कोरोना पुष्टि भएकाहरुमध्ये कोरोनालाई जितेर घर फर्कने ३ जना पहिलो संक्रमितहरु हुन् ।
गण्डकीमा हालसम्म १० जना कोरोना संक्रमित बिरामी निको भइ घर फर्केका छन्
स्याङ्जाका प्रमुख जिल्ला अधिकारी गंगाबहादुर क्षेत्रीसहितले कोरोनालाई जितेर घर फर्केकाहरुलाई बुधबार बिदाइ गरेका हुन् । उच्च मनोबल, धैर्यता र आत्मबलका कारण कोरोनालाई जित्न सफल भएको संक्रमितहरुले बताएका छन् । वालिङ नगरपालिकाका पुरुष जेठ १३ मा र गल्याङका पुरुषहरुमा जेठ १८ मा कोरोना संक्रमण पुष्टि भएको थियो ।
वालिङ नगरपालिकाका ४ जना र गल्याङ नगरपालिकाका २ जना संक्रमितलाई जिल्ला अस्पताल स्याङ्जाको आइसोलेसनमा राखेर उपचार भईरहेकोमा जेठ २२ गते दोस्रो पटक स्वाब संकलन गरी परीक्षणका लागि पठाइएकोमा बुधबार ३ जनामा नेगेटिभ आएपछि डिस्चार्ज गरिएको फोकलपर्सन डा. अर्यालले बताइन् ।
हाल जिल्ला अस्पताल स्याङ्जामा ३ जना र कालिका सामुदायिक अस्पताल हेलुमा रहेको आइसोलेसनमा ३१ जना गरी कूल ३४ जना संक्रमित उपचाररत छन् ।
यसअघि स्याङ्जाको वालिङ नगरपालिका ३ का एक बृद्धको कोरोनाकै कारण पोखरामा उपचारक्रममा मृत्यु भइसकेको छ । हालसम्म स्याङ्जामा संक्रमितको संख्या ३८ पुगेको छ ।
स्याङ्जा जिल्ला अस्पतालको आईसोलेसनमा वालिङ नगरपालिकाका अरु ३ जना अझै उपचाररत छन् ।
उता, भीरकोट हेलुस्थित कालिका सामुदायिक अस्पतालमा वालिङका २२ जना, चापाकोटका ४ जना, हरिनास गाउँपालिकाका २ जना, कालीगण्डकी गाउँपालिका, भीरकोट नगरपालिका, विरुवा गाउँपालिकाका १/१ गरी ३१ जना उपचाररत रहेका जिल्ला स्वास्थ्य कार्यालय स्याङ्जाका प्रमुख यामप्रसाद शर्माले बताए ।
बागलुङका बुधबार नै ४ जना डिस्चार्ज भएका छन् । योसँगै गण्डकीमा हालसम्म १० जना कोरोना संक्रमित बिरामी निको भइ घर फर्केका छन् ।
Related News
सम्बन्धित समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१