१. भूकम्प पीडितलाई उद्धार तथा राहत वितरण गर्न काठमाडौंबाट म·लबार दोलखा गएको हेलिकोप्टर दुर्घटनाग्रस्त भएको छ। दुर्घटनामा परी अमेरिकी ६ जना र नेपाली दुर्इ जना सैनिक अधिकारीको ज्यान गएको छ। उनीहरूको अत्यन्त विकट स्थानमा दुर्घटना भएकोले खोजी कार्य ज्यादै ढिलो भएको थियो।

२. नेपाली सेनाले अथक प्रयास गर्दा पनि दुर्घटनाग्रस्त हेलिकोप्टर देख्न सकेको थिएन। यस्तैमा सिन्धुपाल्चोकका स्याङ्बो शेर्पाले दुर्घटनाग्रस्त हेलिकोप्टर सिन्धुपाल्चोकको घोर्घलाको डाँडामा देखेको सूचना दिएपछि त्यही सूचनाको आधारमा खोज्दा दुर्घटनाग्रस्त हेलिकोप्टर फेला पारिएको थियो।

३. हेलिकोप्टर ३१ वषीय अमेरिकी पाइलट क्याटिन क्रिस नोरगेसले चलाएका थिए भने त्यसमा सर्म्पर्क अधिकृतका रूपमा नेपाली सेनाका क्याप्टेन तपेन्द्र रावल थिए। ती दुर्इलगायत हेलिकोप्टरमा सवार आठै जनाको जेजसरी ज्यान गएको छ, त्यसले हामीलाई ज्यादै दुःखित पारेको छ।

४. भूकम्पपीडित नेपालीलाई उद्धार र राहत वितरण गर्न उनीहरू अमेरिकादेखि आएका थिए। उनीहरूल्े उद्धार र राहत वितरण गर्ने काम अत्यन्त तत्परता साथ गरेका थिए। आफ्नो ज्यान हत्केलामा राखेर त्यसरी सेवा गर्नु ठूलो कुरा हो। हामी उनीहरूको उत्कृष्ट कामको उच्च मूल्याङ्कन गरी प्रशंसा गर्दछों।

५. उनीहरू काठमाडौंका त्रिभुवन विमानस्थलबाट यस्तो बेला उडे जब म·लबारको भूकम्पले विमानस्थलमा खैलाबैला मच्चिएको थियो। मानिसहरू डराएर आफ्नो कार्यकक्षबाट बाहिर आएका थिए। लामो समय त्यो जहाज नफकेको र सूचना पनि कहीँ कतैबाट नआएपछि त्यसको खोजी गरिएको थियो।

६. म·लबार हराएको त्यस युएचवान हुवे नामको हेलिकोप्टर शनिबार बिहान मात्र पत्ता लागेको थियो। ११ हजार दुर्इ सय फिट उचाईमा रहेको उक्त स्थान ज्यादै विकट छ। त्यहाँ हेलिकोप्टरको पार्ट पूर्जा र हेलिकोप्टरमा सवार सैनिकहरूको शव छरिएर रहेको अवस्थामा देखिएको जनाइएको छ। मौसमको प्रतिकूलताको कारण शनिबार त्यो शव काठमाडौं ल्याउन सकिएको थिएन।आइतबार मात्र शव काठमाडौं ल्याइएको छ।

७. नेपाली सेनाले दुर्घटनाबारे अध्ययन गर्न हवाइ महानिर्देशनात्मक सहायक पाइलट सुधिर श्रेष्ठको संयोजकत्वमा पाँच सदस्यीय समिति बनाएको छ। अमेरिकी सेनाले पनि आन्तरिक छानबिन थालेको बुझिन्छ। यो अत्यन्त नराम्रो दुर्घटना हो। हाम्रो सेवाका लागि आएको हेलिकोप्टर त्यसरी घटना हुनु दुर्भाग्य हो। हामी त्यसरी ज्यान गुमाएका अमेरिकी र नेपाली सेनाप्रति हार्दिक श्रद्धाञ्जली अपण गर्दछौं र शोकसन्तप्त परिवारजनप्रति समवेदना व्यक्त गर्दछौं।