१. दक्षिण एशियाली क्षेत्रीय सहयोग संगठन (सार्क) र नेपालको विशेष सम्बन्ध छ। सार्कको गठनमा नेपालको सक्रियता उल्लेखनीय छ। नेपालले पहिलेदेखि यो संगठनबाट धेरै आशा-अपेक्षा गरेको छ। त्यसैले यसको प्रत्येक क्रियाकलापमा नेपालको सक्रिय सहभागिता रहेको मात्र होइन कि नेपालकै अनुरोधमा यसको सचिवालय पनि नेपालमा नै स्थापना गरिएको छ।

२. सार्क सम्मेलनलाई नेपालले विशेष किसिमले लिने गर्दछ। यो सम्मेलनको आयोजना गर्न नेपाल सधै उत्साहित हुने गरेको सर्वविदितै छ। यस पटक १८ औँ  सार्क सम्मेलन नेपालमा आयोजना गर्न र त्यसको तयारीमा नेपालले धेरै परिश्रम गरेको छ। जुन कुरा सार्क आयोजना स्थल काठमाडौंको स्थितिले देखाएको छ।

३. काठमाडौंका बाटाघाटा र सार्कसँग सम्बन्धित भवन आदिमा रंगरोगन गरिएका छन्। सार्क मुलुकका राष्ट्रिय झण्डाले बाटो सिंगारिएका छन्। सार्कका राष्ट्रप्रमुख र सरकार प्रमुखहरुका फोटाले बाटाहरु सजाइएका छन्। सरकारले सकेसम्म कही पनि कमी कमजोरी नहोस् भनी प्रयास गरेको प्रष्ट देखिएको छ।

४. ती सबै तयारीका अतिरिक्त, नेपालीले भारतीय प्रधानमन्त्री नरेन्द्र मोदीको धार्मिक क्षेत्रको भ्रमणलाई पनि उत्साहपूर्वर्क लिएका थिए। जनकपुर, लुम्बिनी र मुक्तिनाथमा विशेष तयारी गरिएका थिए। तर आÇनो व्यस्तताका कारण उनले धार्मिक क्षेत्रको भ्रमण स्थगित गरे।

५. उनको त्यो प्रस्तावित भ्रमणका सम्बन्धमा जनकपुरमा विवाद नै उत्पन्न भयो। सुरुमा केही नेताहरुले उनले जनकपुरमा गर्ने भनिएको सम्बोधनलाई अनावश्यक ठाने भने स्थानीय जनता भने उनलाई अभिनन्दन गर्न नै तयार भए। त्यस सम्बन्धमा नेताहरुबीच विवाद पनि उत्पन्न भयो। कतिपयले त्यसलाई कमजोर कुटनीतिको परिणाम पनि भने।

६. सार्क सम्मेलन स्थल राष्ट्रिय सभागृह पूर्णरुपले सजाइएको छ। त्यहाँ सीट आदि पनि नयाँ जडान गरिएको छ। रातोदिन काम गरेर सभागृह सिंगारिएको छ। सरकारले यसलाई नेपालको प्रतिष्ठा सम्झेर जे-जसरी काम गरी तयारी पूरा गरेको छ, त्यसलाई उल्लेखनीय मान्नुपर्दछ।

७. भौतिक तयारी मात्र गरिएको होइन, नेपालीहरु आÇना पाहुनालाई स्वागत गर्न पनि तयार भएका छन्। स्वागत-सरकारमा कुनै कमी नहोस् भन्ने सबको कामना र चाहना छ। “अतिथि देवो भव” भन्ने उक्तिलाई स्मरण गरेर सम्पूण्ा नेपालीहरु स्वागत अभियानमा जुटेको कुरा उल्लेख गर्न पाउँदा हामीलाई विशेष खुशी लागेको छ।