अहिले हाम्रो देशमा जनताले बनाएको संविधान छ । संविधानअनुसार निर्वाचित जनप्रतिनिधि र जनप्रतिनिधिहरूले छानेको सरकार छ । ती सबै भएर पनि किन हो जनता असन्तुष्ट छन् । त्यो असन्तोषको स्वर बराबर सडकमा पोखिने गरेको छ । एक जमना थियो, मानिसहरू पञ्चायतको विरोधमा सडकमा उत्रेका थिए । त्यसपछि फेरि निरंकुश राजतन्त्रको विरोधमा जनताले सडकमा नाराजुलुस गरेका थिए । अब त्यो स्थिति रहेन । तैपनि जनता अझै सडकमा देखिने गरेका छन् । नाराजुलुस गर्ने गरेका छन् । एक दिनको नारा जुलुस र बन्द हड्तालले के कति नोक्सान हुन्छ भन्ने कुरा थाहा नै नपाए झैं गरी मानिसहरू सडक तताइरहेका छन् । सरकारमा बस्नेहरूले पनि सडकमा उग्र विरोध नगरेसम्म त्यस विषयमा वास्तै नगरी बसिरहन्छन् । हिजो पनि मानिसहरू सडकमा नै समाधान खोज्थे भने आज पनि त्यो प्रवृत्ति हराएको छैन । बरु थप मौलाउँदै गएको छ । त्यसो भएकाले नयाँपन नै के देखियो र खै भन्नुपर्ने अवस्था छ ।
उद्योगी व्यापारीहरू बैंकको ब्याजदर घटाऊ भनेर सडकमा उत्रे । लघुवित्तबाट पीडितहरू पनि सडकमा उत्रे । अहिले मिटरब्याजबाट पीडितहरू काठमाडौंको सडकमा सुतिरहेका छन् । उता कोशी प्रदेशमा नाम कोशी राखेको र त्यसबाट आफ्नो पहिचान सम्बोधन नभएको भनी उग्ररुपले नाराजुलुस गरिरहेका छन् । त्यहाँ प्रहरीले लाठी चार्ज र हवाइ फायरसमेत गरेको छ । एक जना आन्दोलनकारीको मृत्युसमेत भएको छ । त्यत्तिमात्र होइन, कहिले किसानहरूले आफ्नो उत्पादनले बजार नपाएकोमा गोलभेंडा, काउली आदि सडकमा फाल्ने गरेको छन् । कहिले दूध उत्पादन गर्ने किसानले सडकमा दूध पोखेर विरोध जनाउने गरेका छन् । हामीले विरोध जनाउने नाममा आफैंलाई नोक्सान हुने काम गरिरहेका छौं ।
देशमा तीनै तहमा जनताको सरकार छ । जनताको सरकारले जनताको दूध, पीडा, बुझ्नुपर्ने हो, शोषण, अन्याय, अत्याचार कहाँ कसरी भइरहेको छन्, वास्तविकता पहिचान गरी त्यसको उपचार समयमै गर्नुपर्ने हो । तर कुनै सरकारले त्यसो गरेको पाइँदैन । सरकारमा पुग्नासाथ जनप्रतिनिधिको हैसियत फेरिने अचम्मको रोग हामी कहाँ छौं । देशको विकास निर्माण र समृद्धिका लागि यो प्रवृत्ति हानिकारक छ । मानिसले विकल्प देख्दादेख्दै आत्महत्या गरेका छैनन् । सहिनसक्नु भएपछि, उपाय केही नभएपछि र भविष्य अन्धकारै अन्धकार देखिएपछि निराश भएर आखिरीमा आत्मघाती बाटो अवलम्बन गर्ने गरेका छन् । स्थिति गम्भीर छ । त्यसकारण सडकमा नै समाधान खोज्ने परम्परा तोडेर केही नयाँ विचार र नयाँ उपाय अपनाएर राष्ट्र, समाज र सर्वसाधारण कसैलाई पनि हानि नोक्सानी नहुने मार्ग अवलम्बन गरेर ठाउँको ठाउँ समस्या समाधान गर्ने उपाय अपनाउनु आवश्यक देखिन्छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१