१. केपी ओलीले राष्ट्रियताको मामिलामा भारतसँग अडान लिएकै कारण ओली सरकारको पतन भएको हो र भारतको स्वार्थका लागि माओवादी केन्द्र अध्यक्ष पुष्पकमल दाहालको नेतृत्वमा अको सरकार गठन भएको भन्ने व्यापक छ। त्यो चर्चा चलिरहेका बेला भारतले नेपालबाट के स्वार्थपूर्र्ति गर्न खोजेको छ भन्ने धेरैले नियालिरहेका छन्।
२. प्रधानमन्त्री दाहाल प्रखर वक्ता, चतुर नेता र राष्ट्र एवम् राष्ट्रियताको भावनाले भरिएको नेताका रुपमा आफूलाई देखाउन कहिल्यै पनि पछि पर्दैनन्। त्यसमा पनि उनको पार्टी माओवादी केन्द्र भारतलाई विस्तारवादी भन्दै सधैं आलोचना गर्दै आएको पार्टी हो। यस्तो अवस्थाको सरकार राष्ट्र र राष्ट्रियताको सवालमा चिप्लिन सक्दैन भन्ने धेरैको अनुमान छ।
३. तर यसैबीच भारतले त्रिभुवन अन्तर्राष्ट्रिय विमानस्थलमा भारतीय हवाई सुरक्षा बल र एयर मार्शललाई बस्न दिन स्वीकृति मार्गको कुराबाहिर आएको छ। यो विषय ८/१० वर्ष पहिलेदेखि उठ्दै आएको छ। सरकार परिवर्तन हुनासाथ भारतले यो प्रस्ताव राख्दै आएको छ। नेपालले राष्ट्र र राष्ट्रियताको विषय मानेर त्यसलाई त्यो स्वीकृति दिने कामलाई पन्छ्ाउँदै आएको छ।
४. पहिले माओवादीको नेतृत्वको सरकारमा हिसिला यमी पर्यटनमन्त्री हुँदा पनि भारतले त्यो प्रस्तावअघि सारेको थियो। त्यति बेला माओवादी पार्टीकै निर्णयमा त्यो प्रस्तावलाई पन्छाइएको थियो तर अहिलेको सरकारले भारतको त्यो प्रस्तावलाई स्वीकृति दियो भन्ने कुरा बाहिर आएको छ। त्यो कुरा बाहिर आउनासाथ हल्लीखल्ली मच्चिएको छ।
५. एक सातादेखि यो हल्ला मच्चिएको छ। विरोधी पार्टी रूले यसको विरोधमा बोलिरहेका छन्। संसदमा पनि यसको सत्य-सत्य के हो भनी प्रश्न उठाइएको छ। तर सरकार, सरकारमा रहे बसेका पार्टी र तिनीहरूका नेताहरूले यस विषयमा स्पष्ट पारेका छैनन्। सरकार मौन बसेकाले त्यस सम्बन्धमा अन्य आशंका उत्पन्न भएको छ।
६. भारतका नेताहरूदेखि शन्त, महन्तसमेत बाहिर नेपाल र नेपालीप्रति खूब उदारता देखाएको जस्तो गर्दछन्।, उनीहरूको त्यही “उदार” बोलीमा मख्ख परेर हामी कोही धर्मको नाममा, कोही राजनीतिक सत्ता स्वार्थको नाममा उतातिर झुकाव राख्छौं। तर उनीहरुले हामीबाट के-कसरी फाइदा उठाउँदछन्, त्यसको ख्यालै गर्दैनौं। त्यसो भएर हामी ठगिँदै आएका छौं।
७. तर अब नेपाली जनताले धेरै कुरा बुझिसकेका छन्। भारतबाट पटक-पटक नाकाबन्दीको मार पनि खाइसकेका छन्। उसको एउटा स्वार्थपूर्र्ति भएन भने उसले हामीविरुद्ध के-कस्तो सम्म गर्न सक्छ भन्ने पनि देखिसकिएको छ। अब नेपाली जनता सजग र सतर्क हुनुपर्दछ। सरकार पनि चनाखो हुनुपर्दछ। राष्ट्रघाती काम गर्नु हुँदैन। इतिहासलाई कलंकित गर्ने काम कसैले गर्नु हुँदैन।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
एकातिर खोला, अर्कैतिर पुल
ढुंगाबालुवा चोरी निकासीमा संलग्न ५ गाडी नियन्त्रण
जेठ ६, २०८१एमाले मुस्ताङको अध्यक्षमा दीपक लालचन
जेठ ६, २०८१काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जेठ ६, २०८१एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१