१. पोखराको बढ्दो जनसंख्या र जनसंख्या बढे अनुसार यातायातका साधनहरु पनि तीव्र रुपले बढ्दै गएका छन् । मानिसहरु र यातायातका साधनहरुको बढ्दो आवागमनले हेर्दा–हेर्दै पोखराका बाटा–घाटा, चोक र पुलहरु साना र साँधुरा भएका छन् । जसले गर्दा आवागमनमा बाधा अवरोध उत्पन्न हुने गरेको छ ।
२. महत्वपूर्ण चोकहरु–महेन्द्रपुल, पालिखेचोक, पृथ्वीचोक, सभागृहचोक, सिर्जना चोकहरुमा बराबर यातायात जाम हुने समस्या उत्पन्न भएको छ । पालिखे चोकका घरहरु हटाएर बाटो फराकिलो पारिएको छ भने महेन्द्रपुलमा हुने आवागमनको चाप घटाउने वैकल्पिक उपाय पनि गरिएको छ ।
३. त्यो वैकल्पिक उपाय हो– नारायणस्थानको नयाँ पुल, नारायणस्थानमा पहिलेको पुल पनि छ । तर त्यो साँघुरो र सानो भएकोले त्यो भन्दा ठूलो र लामो आर्क ब्रिज बनाइएको छ । ११ करोड २३ लाखको लागतमा निर्मित सो पुल ८० मिटर लम्बाइ र साढे ११ मिटर चौडाइको छ । त्यसको भारवहन क्षमता ७० टन भएको बताइएको छ ।
४. आर्क ब्रिज हेर्दा सुन्दर छ । पोखरामा यस्तो किसिमको यो पहिलो पुल हो । पुलको दायाँ–बायाँ राखिएको साइडबार होचो छ । साइडबार होचो भएकोले यसले खतरा निम्त्याउने सम्भावना छ । स्थानीय बासिन्दा त्यसलाई जोखिम पूर्ण मान्दछन् र त्यसलाई केही अग्लो पार्नुपर्ने विचार व्यक्त गर्दछन् ।
५. साथै पुलको पूर्वपट्टिको सडक ओरालो र अत्यन्त साँघुरो रहेको छ । त्यसले पनि अप्ठेरो निम्त्याउने निश्चित छ । यो वैकल्पिक पुल भएकोले यो धेरै वर्षको लागि हो । धेरै वर्षको लागि भएकोले यसलाई धेरै किसिमले सोच्नु आवश्यक छ र देखिएका कमीकमजोरीहरु तुरुन्त हटाएर सुधार गर्नुपर्दछ ।
६. आजभोलि ठेकेदारले जताततै समयमै काम गरेन, निर्धारित समयमा आप्mनो काम पूरा गरेन भन्ने आरोप लाग्दै गरेको बेला यो पुल समयमै पूरा भएको छ । २०७३ सालमा ठेक्का सम्झौता गरिएको पुल मुक्तिनाथ कम्पनी प्रा.लि.ले निर्धारित अवधिमा सम्पन्न गरेको छ । यो पनि यसको विशेषता हो ।
७. यो पुलको निर्माणले महेन्द्रपुलमा यातायातको सवारी साधन जाम हुने समस्या हट्ने अपेक्षा गरिएको छ त्यसको साथै आगामी दिनमा मध्य पहाडी लोकमार्ग जोडिने योजना पनि भएकोले यसको महत्व धेरै छ । यस्तो महत्वपूर्ण पुललाई अरु सुरक्षित पार्नु आवश्यक छ । यसको दायाँ–वायाँको बारलाई अग्लो पारेर स्थानीयले आँैल्याएको कमी कमजोरी हटाएर सुधार गरियो भने यो वास्तवमा नै वैकल्पिक पुल बन्नेछ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१